نفت مصادر بوزارة الداخلية قيامها بالقبض على "بدر الجمل" الذي اقتاده افراد بزي مدني من زفافه إلى جهة غير معلومة بينما أكدت أسرته القبض عليه من قبل الامن . وكشف شقيق "العروس" ما حدث مع "الجمل" قائلاً أنهم أتمموا حفل الزفاف بشكل طبيعي جداً وخرجوا بسياراتهم لإيصال العروسين إلى مقر إقامتهما وفوجئوا ب"مكروباص" يعترض طريقهم وينزل منه افراد أمن بزي مدني - بحسب وصفه - ورفعوا عليهم الاسلحة النارية وقاموا بإقتياد العريس إلى جهة غير معلومة . وأضاف : حاول أحدهم أقتياد شقيقتي هي الاخرى ولكنه عدل عن الفكرة في النهاية .. ومن وقتها شقيقتي لم تغير فستان الزفاف ولا تستطيع التحدث ولا النطق ولا نستطيع أن نفعل لها شئ "بحسب روايته" . وفي الوقت ذاته ودشن نشطاء على مواقع التواصل الاجتماعي هاشتاج بعنوان "خطفوا العريس" .. وشارك في الهاشتاج عدد من مشاهير "السوشيال ميديا" ومعارضي النظام الحالي ونشطاء ثورة يناير بارائهم في الواقعة ونرصدها كالتالي: - صفوان محمد (قيادي سابق بحملة البرادعي) : اللى فى الصورة ده عريس، إسمه بدر، والنهاردة يوم فرحه، حبوا يهنوه ويباركوا له، قوات الأمن المركزى إعتقلوه وهو مروح، وساب عروسته فى الكوشة. - أحمد عبد الجواد ( قيادي بحزب مصر القوية) : خشوا اكتبوا على هاشتاج "خطفوا العريس وافضحوهم. - خالد عبد الحميد ( من شباب الثورة ) : عرفنا في يوم واحد عن شاب محبوس كان أهله عايزينه يحضر دفنة أبوه ومانفعشي وبعديها بساعات عرفنا عن شاب كان في فرحه وفي الكوشة واتخطف من ناس لابسة مدني والداخلية بتقول مش احنا .. احنا رهاين عند عصابات مسمية نفسها سلطة ودولة - عمرو سلامة القزاز ( صحفي ) : من أفجع عمليات الاعتقال اللى نادرا لما بنسمع عنها إنهم ياخدوا عريس من فرحه وهو ايده في ايد عروسته وسط حبايبه. - عبدالله الماحي ( مذيع ) : لم يجرؤ الكيان الصهيوني واليهود علي إقتحام فرح أحد الفلسطنيين وإعتقاله من جوار عروسه وفعلها السيسي ...يالا العجب . - معتز مطر ( مذيع ) : كلما توهمنا أنهم وصلوا للقاع .. اكتشفنا أنهم مازالوا يحفرون . - محمد جمال عرفة ( كاتب صحفي ) : أول مرة أشوف عريس يتزف علي التخشيبة .. وعروسه تبات ليلتها تبكي. هو "بان كي مون" مش هيتدخل ويطلع بيان يطالب فيه بالافراج عن العريس ..؟! - عبد الرحمن يوسف ( شاعر ) : أحقر نظام حكم في العالم. - علي خفاجي ( امين شباب سابق بحزب الحرية والعدالة المنحل) : الافراح في مصر مليانة مخدرات بكافة اشكالها وانواعها وفيها سلاح يكفينا نحارب دول ، الداخلية سابت كل دة وراحت قبضت على شاب صغير من الكوشه جنب عروسته كان نفسه هو وعروستة واهاليهم يفرحوا في وسط الايام الزفت اللي بنعيشها لكن تقول اية لناس معندهاش ذرة رحمة في قلوبها، الله يلعنكم دنيا واخرة ويقتل الفرحة في قلوبكم زي ما قتلتوها في قلوب الناس اللي نكدتوا عليهم انهارده. أسامة جاويش ( مذيع ) : ولاول مرة ساتحدث في هذا الامر ولكن اليس من المفترض ان يتحدث المجتمع المصري بكل طوائفه عن بدر الجمل كما تحدثوا عن اسراء او حسام بهجت او اخرين ؟؟ صورة أخر تدوينة لعروسة بدر الجمل قبل بدء مراسم الزفاف :