رصدت هناء علي، والدة المعتقلة "إسراء الطويل"، بعض التفاصيل الخاصة بحياتها داخل سجن القناطر ومعاناتها مع المرض الخاص بساقيها وعضلات الفخذ، قائلة: "إسراء النهاردة في الزيارة بتقول ودوني عند دكتور اسمه محمود عاشور في السجن دكتور عظام عشان يكشف عليا عشان طلب العلاج عشان مشكلة رجلي وقاللي أنتي عندك عاهة مستديمة.. قولتله قصة أصابتي كلها واني بتحسن مع استمرار العلاج الطبيعي لكنه صمم على رأيه وقالي مبحبش الجدال يلا على عنبرك!!!!". وأضافت والدة "إسراء"فى بيان لها : "إسراء حصل لها ضمور شديد في عضلات الفخد وساقيها, يعني واحدة عشان تروح أي حته في السجن بتحتاج حد يسندها يوديها، واحدة كانت سابت العكاز وبدأت تمشي بنفسها انتكست ورجعت للعكاز تاني وألم مستمر طول الوقت في رجليها وحالتها بتسوء ومستشفى السجن رافضة علاجها او حتى دخول جهاز التنبيه الكهربي اللي كانت بتتعالج بيه". وتابعت هناء: "واحدة تعبت سنة ونص مستشفيات وعلاج وأدوية بعد ما فضلت أكتر من سنة مبتمشيش وكانت يادوب بادئة تتحسن .. واحدة هما شايفينها عندها "عاهة مستديمة" فمبتعرفش تمشي، وفي نفس الوقت شايفينها خطر على الأمن القومي وبتهدد أمن البلاد.. اسراء بقالها شهرين منغير أي نوع من أنواع العلاج!!! هتكون مسئولية مين لو فقدت القدرة على الحركة من تاني؟! ليه كل الظلم ده ؟؟!!!".