ظهر الإعلامي جابر القرموطي ممسك بمبخرة من أجل "رقية" مصر بعد نجاح المؤتمر الاقتصادي بشرم الشيخ، قائلاً: "محتاجين حد يبخرنا ويرقينا إحنا في ظرف استثنائي بس محتاجين كل ايد تبني لاحسن الفلوس هي اللي تتبخر". وقدم القرموطي عبر برنامجه "مانشيت" على فضائية "أون تي في"، مساء اليوم، باقة ورد لكل من ساهم في إنجاح المؤتمر، مضيفًا: "كل احترام وتقدير لأي حد دفع فلوس وقال هستثمر في مصر". وتابع "أنا كمان هأخد سيلفي زي الريس لكن مع المبخرة، ومحتاجين الفلوس اللي جت 160 مليار دولار ، يبقوا 320 مليار دولار السنة الجاية ، 500 مليار السنة اللي بعدها". ومضى بالقول: "من النهارده هنحاسب كل إدارة فاسدة، ولن نسمح بمنطق اخبطوا رأسكم في الحيط، هنطلب إجابة على كل الأسئلة، أين ستذهب هذه الأموال، عاوزين شفافية".