علق الناشط محمد عبد العزيز، أحد مؤسسى حركة "تمرد"، على تبرير المستشار ناجى شحاتة حبسه الناشط أحمد دومة 3 سنوات بتهمة إهانة القضاء، مطالبًا التفتيش القضائى بالتعامل القانونى مع "شحاتة" لأنه قاض منحاز وغير محايد، على حد قوله. كتب "عبد العزيز"، فى تدوينة له على موقع "فيس بوك": "المستشار ناجى شحاتة عامل مداخلة تليفونية على قناة المحور ويشرح إزاى دومة أهانه لما قاله إن المحكمة مسيسة، وسأله أنت عندك فيس بوك، الأهم أنها سابقة فى تاريخ القضاء إن قاضى يطلع يشرح أحكامه ويناقشها فى الإعلام ده كده المفروض إنه محايد ؟". وأضاف: "هل الكلام اللى قاله القاضى ده يعتبر إهانة ؟! .. ده دفاع متهم عن نفسه، ولما يعتبر المحكمة مسيسة ده كلام قانوني، وحق قانونى لرد المحكمة، خاصة أن نقابة المحامين نفسها اعتبرت القاضى ده غير محايد ومنعت المحامين يترافعوا امامه .. وحولت اى محام يترافع أمامه للتأديب". وتابع: "ده غير إنه بيشرح ويأيد حكم البراءة على مبارك !!! ... هل كده ده كلام قاضى محايد .. بيأيد حكم فى قضية منظرهاش وكمان لسه النقض متمش فيها .. ده قاضى منحاز وغير محايد ويجب على التفتيش القضائى التعامل القانونى معاه".