حالة من السخرية تجتاح موقع التواصل الاجتماعى "فيس بوك"، بعد أن حصلت الراقصة فيفي عبده على لقب الأم المثالية خلال تكريمها فى حفل نادى الطيران. حيث علق البعض قائلاً: "أنام وتسهرى.. ترقصى وتسكرى"، وقال آخر "كل أم لازم تحترف الرقص عشان تبقى أم مثالية لأن زمان كانت الأم المثالية هى الأم الفاضلة اللى بتضحى عشان تخرج طبيب ومهندس ومعلم الأم اللى بتنكفى على ماكنة الخياطة، واللى بتمسح البلاط وتتعرض لأنواع الآلام عشان تخرج نشأً صالحًا يفيد البلد، الأم اللى شقيت وربت وتعبت وضحت، النهاردة الأم المثالية لازم تكون بتعرف تهز الوسط وتتعرى وتكون أم فرى وتعرف كل مفردات البذاءات وبإذنك يارب تبقى الأم المثالية". فيما قال آخرون: "سما المصرى بقت مناضلة سياسية ، و صافيناز بقت بطلة قومية، وإلهام شاهين مفكرة إسلامية، يبقى التطور الطبيعى إن فيفى عبده تبقى الأم المثالية".