استحضر نشطاء على موقع التواصل الاجتماعي "فيس بوك" نعي أحمد فؤاد نجم، والذي وافته المنية، صباح اليوم الثلاثاء، نفسه، حيث كتبها في مارس الماضي على صفحته الشخصية، وقال فيها: "أنا الرخيص أوي عندكم وغالي عند اللي خالقني، فيوم ما أفارق أرضكم موضوع لا يمكن يضايقني، أنا اللي جيبتولي الأمراض، أنا اللي بيا منكم فاض، أنا اللي قولت يا باشا كتير، وأكتر كمان اتقاللي أنا ياض أنا المهدد أنا المجند أنا اللي دايما بعيا وبرقد. أنا المراكبي والصياد أنا المواطن يا رؤساء، أنا اللي متكحرت في بولاق، وأنا اللي بتلملم أشلاء مركب وقطر وعبارة، الموت لأمثالي إعارة، والموت بقى ليكوا تجارة، الموت في أشكالكوا خسارة عيشوا حياتكم آخرها هنا. ماهتسلكوش مع ربنا.. عنده هيتجاب حقنا.. ولسة اللي عايشين بعدنا.. شوكة في زوركم.. في نحوركم.. هيردوا كل اللي خانقني عرفتوا ليه أنا مطمن.. وحتى موتي ولا قالقني.. أنا بصحي في عروق الثوار.. بعد أما روحي تفارقني".