بيقولوا قال الثورة دي ارزاق بختك نصيبك والنصيب غلّاب ما بلاد تعيش بالثورجة وبلاد تعيش بالبلطجة عيشة فقر وهباب وبلاد بتلعب في القمر وبلاد تغني للوطن يا امه القمر ع الباب وبلاد بتسرح في الفضا سعد وهناء وبلاد بتدفن حلمها تحت الولاد بتراب ما انا قلت لك الثورة دي ارزاق وبلاش تجيب سيرة العرب تكتب كتب كل الحكاية كام عتاب ف عتاب عايشين صداع الثورة دي دم الشهيد حق اللي راح حق اللي مات وانصاب مين اللي قال الثورة دي فيها الشرف محسوب بالف حساب ما تصلي بينا ع النبي واكتب على جبين الامل كداااااااااااااااااااااااااااااااااب .......... .............. بيقولوا ثورة وكل جمعه الناس تموت م الخوف قلبي اللي زارع مصر عند القصر كان ملهوف يا ثورة قامت عندنا بين الميدان بتلمنا والموت شايفنا صفوف دلوقت ثورة بلطجة وبلاك وحبة عربجه مدعومة بالملوتوف بيقولوا ثورة وقلبي مات م الخوف وانا عند باب الخلق واقف يا وطن لو عشنا ياما نشووووووووووووووووف أرسل مقالك للنشر هنا وتجنب ما يجرح المشاعر والمقدسات والآداب العامة [email protected]