كشفت الفنانة ناهد السباعي أسباب تراجعها عن حضور حفل زفافها قبل إقامته بساعات قليلة جدًا . وقالت في لقاء مع برنامج "الحكاية" الذي يقدمه الإعلامي "عمرو أديب" : "الدنيا اتقلبت بس أنا لما أخدت القرار كنت فاكرة محدش هياخد باله". وأضافت: "حصلت مشكلة بيني وبينه قبل الزواج بيوم واحد وحسيت وقتها إني مش هقدر أعيش الحياة دي". وتابعت: "عشان بس الكلام كتير .. قالوا إني ظبطته بيخوني .. أو شافني بخونه ودا محصلش .. مكانش بيخوني ولا أنا خنته .. حصلت مشكلة بسيطة متستدعيش كل دا .. لكني وقتها قررت إني مش هقدر أكمل حياتي معاه". وتابعت: "أهله ناس طيبين وحاولوا يصالحوا بينا بس أنا كنت خدت القرار وبلغتهم إني مش رايحة فعملوا الفرح وافتكروها قمصة بنات بس أنا مرحتش فعلا". وتابعت: "بعد وفاة بابا وأخويا بقيت مرتبطة بوالدتي جدًا ومش عايزة أسيبها".