اندلعت مشادة بين متصلة تٌدعى "أميمة" وبين آية مصطفى - مقدمة برنامج كوميدي - على خلفية شكوى الأخيرة في برنامج "العاشرة مساءً" من منعها من دخول الامتحان بسبب ارتدائها بنطال به ثقوب . وقالت "آية" خلال استضافتها في البرنامج الذي يقدمه الإعلامي وائل الإبراشي: "احنا كنا بنشوف أهالينا وأمهاتنا كانوا بيتصوروا في الجامعة بفساتين قصيرة وبلبس وصفه غير لائق في الأيام دي وأمي كانت بتقول فيه احترام في الجامعات وفيه احترام بين الناس ومكانش فيه حد بيحكم على حد من لبسه ولا بيقوله أنت عشان لابس قصير مش محترم والمفروض اللي يتعاقب هو اللي تعدى على حرية الآخر مش اللي لبس البنطلون". وردت المتصلة "أميمة": "احنا كلنا مكناش محجبات بس طريقة اللبس نفسها كانت مختلفة ، ولما أنتي تظهري كدة فدة ثقب في شخصيتك مش في البنطلون ، والأستاذ اللي جنب حضرتك برضو دة ثقب في شخصيتك .. أنتي كنتي بتعملي برامج وأنتي محجبة .. ومش عارفة ليه رجعتي مش محجبة؟ انتي بتسخري من المجتمع ولا بتسخري من مين؟ وبعدين أنتي زعلانة من الامتحان اللي ضاع ومش زعلانة إن شخصية بتضيع؟". الفيديو: