استنكر الإعلامي عمرو أديب الهجوم على صلاح الموجي بطل كنيسة حلوان بسبب أنه مسجل خطر، قائلا: "حتي لو كان مسجل خطر إيه المشكلة، وهو أنكر القضايا اللي عليه". وأضاف "أديب"، خلال تقديمه برنامج "كل يوم"، المذاع على فضائية "on-e"، مساء الأربعاء: "إحنا ليه بنحب نشوه أي بطولة في مصر.. ومين مصلحته تشويه هذا الرجل وإطفاء بطولته"، متابعا: "إنت غلطان ياعم صلاح انك ضحيت بحياتك علشان بلد بتعمل فيك كده ومش بتديك حقك والراجل ده لو في الخارج كان احتفوا ". وأضاف "أديب" أن هذا الرجل قام بدور بطولي وأثبت أنه برئ بعرضه للفيش الجنائي الخاص به وأنه ليس مدان في أي قضية، موضحا أن البلاد في حالة اغتيال معنوي لأي بطولة تحدث. وأشار "أديب" إلى إن مصر لم يعد لديها مثل أعلى وقيمة إلا اللاعب محمد صلاح، معقبا: "تخيلوا مصر كلها مبقاش عندها غير محمد صلاح". وقال "أديب" إن مصر بها اغتيال معنوى كل يوم لأي شخصية أو بطل حقيقي، مهاجما المصريين قائلا: "لما البلد وحشة كده ومفيش أي حد كويس فيها.. قاعدين ليه فيها وبتكروهوها بالشكل ده ليه وانتم بتاكلوا عيش منها". واستطرد "أديب" قائلا إنه بعد تشويه سمعة البطل الشعبي صلاح الموجي واتهامه لن يكلف أي شخص أخر مواجهة أي إرهابي، مؤكدا أن صلاح الموجي جازف بحياته أمام إرهابي، قائلا:" ده جزاته..جرا إيه يابلد".
