"أنت يا ريس لو مش أد إنك تشيل مسئولية البلد اتنحي.. أنا تعبت بتعالج نفسيا وطلقت مراتي".. كلمات قالها مواطن بسيط يتحدث بصعوبة نتيجة للمهدئات التي يتناولها، بعد الأزمة النفسية التي عانى منها جراء أزمته الاقتصادية. وأضاف في حديثه مع "المصريون": "أنا قاعد في البيت صايع، طول عمري كنت كويس وماشي جنب الحيط، الحيطان خلاص قشرت مش عارف أعيش، مش عارف أشيل مسئولية نفسي ولا أهلي". ويكمل قائلا: "الناس فعلا اللي بيقتلوا أنا عرفت مشكلتهم إيه، الظروف اللي إحنا فيها هي اللي وصلت الناس دي للسرقة والقتل"، مضيفا: "حسبي الله ونعم الوكيل في الفاسدين، الدنيا بقت سودة، الناس مش عارفة تعيش ولا تكلم بعض.. اتنحى وسيب البلد تقف على رجليها".