تداول عدد من مستخدمي التواصل الاجتماعي، صوتاً لإحدى جروبات أولياء أمور إحدى المدارس، حيث سجلت إحدى الأمهات أن ابنتها تعرضت لموقف محرج من زميل لها، والذي قام ب"تقبيلها وحضنها" ورد عليها والد الطفل وهو يقول لوالد الطفلة "اللي عنده معزه يربطها". وقد روت "صديقة" والدة الطفلة على صفحتها على "فيس بوك" الواقعة وقالت: "السلام عليكم.. عشان بس الكلام كتير وماحدش عارف أي خلفيات الكلام ده في فصل ابني في صف أول وفي مصر مش برة لأنه في ناس بتقول بره مصر، وتسجيل الأم كان في جروب الفصل على الواتس أب اللي كله أمهات، وفي حد مش عنده ضمير في الجروب معنا أخد التسجيل طلعه برة الجروب وعشان كده انتشر بالسرعة دي". وأضافت: "إللي طلع التسجيل أم البنت، بعدها أم الولد، والكلام له أجزاء كثير لكن في حد قصد يطلع تسجيل معين لغرض معين، وعشان المصريين شعب فاضي وغير منصف نهائياً، بيحكموا على الناس بمزاجهم.. الولد أصلاً سمعته وحشة وسافل، وانأ أستحي أقول الكلام اللي بيقوله الولد، وإحنا من الأول تواصلنا مع أمه بسبب سلوكه الأخلاقي لكن للأسف مفيش فايدة، وبيزيد في قله أدبه". واختتمت بالقول: "إحنا لا نعيب على الولد لأنه مهما كان ده محتاج متابعة"، وأكدت أن "رد الرجل غالبا مش أبو الولد لأن مفيش رجالة خالص في الجروب وأظن إن حد سجل من باب التنكيت والتريقة وتم نشره على أنه أبو الولد". ومع انتشار الخبر واحتلاله المركز الثاني على "تويتر"، استغل بعض البرامج والشخصيات العامة ذلك في إطار الكوميديا السياسية.
