تحدث الإعلامي الساخر باسم يوسف عن تهجير الأقباط بسيناء ، ، مشيرًا إلى ما أسماه "العنصرية" التي يتعرض لها المسيحيون بالمجتمع . وقال "يوسف" في تدوينة عبر حسابه ب"فيس بوك": "طيب فيه ناس لسه بتهاجم اللي أنا قلته إن فيه عنصرية في مجتمعاتنا بأنها انه المسيحيين بيتعاملوا أحسن معاملة و أن الحوادث اللي ضدهم دي حوادث فردية (طبعا) و أن فيه خلط بين الأفراد و المؤسسات الدينية و الحكومة". وأضاف: "طيب أنا مش حخش في النقاش ده و أجيب عشرات الأمثلة عن معاملة المسيحيين في مصر . ماشي يا عم المتسامح. المسيحيين عايشين ملوك و لا بيتهجروا و لا حاجة . و الذبح اللي شغال في سينا ده لا يمثل الإسلام . معروفة . بس أفتكر أن أنا قلت إن فيه عنصرية و تفرقة ضد "غير المسلمين " . يعني بهائيين لا دينيين ، ملحدين إلخ إلخ. و لو أنت شايف نفسك متسامح و الدنيا فلة و أننا أحسن من الغرب اسأل نفسك لو واحد عمل فرشة في شارع أو ميدان عام زي المسلمين كده في أوروبا بيجيبوا ترابيزات بيحطوا عليها مصاحف . و الواحد ده ابتدى يدعوا للبهائية او ابتدى يشكك في القرآن او البخاري . الشعب العادي اللي من غير بوليس أو أزهر حيعمل في الراجل ده ايه؟ أنا بعيني شفت واحد مسلم في مترو نيويورك عمال يشخط في اللي رايح و اللي جاي و يقول للناس إن الإنجيل محرف و أن كلهم على ضلال . و لا حد قربله. بس معلش يا جماعة احنا فلة و حلوين و مافيش أي مشاكل في مجتمعاتنا".