"فخور بمصر جدا، الحضري كان نجم الماتش، مكنتش متوقع الفوز بسبب ضعف أداء المنتخب، السبب يرجع لكابتن الحضري".. كلمات رددها الموطنون لعدسة "المصريون" حيث قال أحد الموطنين: "إحساسي بعد الفوز مش قادر أوصف الفرحة اللي أنا فيها وعاوز أقول أني فخور جدًا بمصر متابعًا بشكر نجم الماتش كابتن عصام الحضري على أدائه الجميل في الماتش". وعلق آخر "مبروك علينا الفوز وعقبال النهائي يارب موجهًا كلمة لكابتن عصام الحضري قائلاً: أنت السبب في فرحتنا بالفوز، مرددا: "صانع المعجزات طول عمرك مش جديدة عليك". وقال مواطن آخر: "أنا بشاهد الماتش كنت حاسس بالوطنية وبعد الفوز انبسطت جدًا لأني مكنتش متوقع ده لأن مستوى المنتخب كان ضعيف الفضل يرجع لكابتن الحضري". وأضاف موطن آخر: "كنت حاسس أننا هنغلب بضربات الجزاء والحمد لله ربنا كرمنا وفوزنا وعقبال النهائي وبحب أتوجه بالشكر لعصام الحضري لأنه كان سببًا في فرحة 95 مليون مواطن مصري في الظروف الصعبة اللي بتمر بيها البلد وإن شاء الله ترجع تلعب أحسن من الأول ودايمًا كده مفرحنا، متابعًا: "أنا ضد أي مدرب أجنبي"، وجاء ذلك بعد أن تأهل المنتخب المصري إلى نهائي كأس الأمم الأفريقية الجابون 2017 إثر فوزه على منتخب بوركينا فاسو بركلات الترجيح (4-3) بعدما انتهى الوقت الرسمي والإضافي بنتيجة 1-1.