"مفيش حد فوق المسئولية أي حد يخطئ لازم يتحاسب حتى لو كنت أنا حسبوني".. بتلك كلمات تحدث الرئيس السيسي في افتتاح كوبري النصر العائم ببور سعيد. ورصدت عدسة "المصريون" آراء الموطنين عن تصريحات الرئيس. قال إيهاب محمد: "محدش يقدر يحاسبك يا ريس"، متابعا: لو اتحسبت على حاجة عملتها غلط مفيش غلط أكتر من غلاء الأسعار اللي إحنا فيه دلوقتي". وأضاف إسلام عيد: "لو اتقدمت لمحاسبة علي أخطائك هتتحاسب على الدواء اللي مش موجود، والإهمال اللي في المستشفيات والناس المرضي اللي مرمية في الشارع". وأشار شريف جمال إلى أن رئيس الجمهورية لو أخطأ معتقدش إنه هيتحاسب، متابعًا مفيش محاسبة إلا للمواطنين البسطاء وردد لو في حاجة الريس هيتحاسب عليها هى قضية تيران وصنافير ونسبتها للسعوديه، متابعًا: هذه القضية هي التي تستحق الحساب عليها يا سيادة الريس". فيما علق يونس ساخر: "الريس مينفعش يتحاسب وبوجه خاص الرئيس عبد الفتاح السيسي لأنه علي حد وصفي ده ملك نازل من السماء مبيخطأش، واصفًا حكم الرئيس بأنه "حكم فرعون ماحدش يقدر يحاسبه". شاهد الصور.. شاهد الفيديو..