تساءل الإعلامي عمرو أديب - مقدم برنامج "كل يوم" المذع على قناة ON E" عن هوية الجهة التي تؤمن الكنائس في مصر ، مؤكدًا أنه لم يصل لإجابة وافية. وقال "أديب" في برنامجه: "ممكن أسأل سؤال؟ ونفسي حد في مصر كلها يجاوب عليا .. هو مين اللي بقى مسؤول عن أبواب الكنايس في مصر؟ أنا مش هخش في الجدل بتاع أن الكنايس كانت طالبة أن الأمن الإداري هو اللي يمسك باب الكنيسة ولا الأمن المصري اللي يمسكها ولا هما الاتنين؟ معنديش المعلومة لكن بقول نتعلم من اللي حصل ". وأضاف: "س سؤال : هو انتوا قررتوا مين اللي هيبقى مسؤول عن باب الكنيسة في مصر؟ بتكلم على أي كنيسة مش الكتدرائية .. مين اللي هيقف على الباب؟ .. قولوا للرأي العام سواء الأمن الإداري أو الشرطة .. اللي يريحكوا.. وممكن الكنيسة تقول متشكرين جدًا احنا جايبين شركة أمن خاصة عشان تؤمن الكنايس .. أو أن كل كنيسة الشباب بتوعها هيأمنوا الباب .. أنا تحت أمرك بس أرجوكم احسموا المسألة دي بسرعة إلا لو كان فيه اتفاق معرفهوش". وأردف: "أنا من امبارح بسأل وملقتش حد يجاوبني لا من الأمن ولا الكنيسة فأرجو أن يكون فيه حد رشيد في هذا البلد يقرر أنه يعلن من المسؤول عن تأمين البوابات ويعلنها للناس عشان لو حد مسلم أو مسيحي داخل الكنايس يعرفوا مين اللي واقف وايه واجبهم تجاهه؟ الفيديو: