"بقالى 7 سنين بغسل، وضياء جه يغسل من سنة، اتعرفنا على بعض، حبينا بعض أتجوزنا، الحمد لله عايشين كويسين وعارفين ظروف بعض ومستحملين بعض".. قالتها بحب داليا عبد الرحيم حسين، من داخل وحدة الكلى فى مستشفى سيد جلال بمنطقة "باب الشعرية". وأضافت داليا "مشكلتنا الأساسية فى الفلاتر اللى موجودة كفاءتها 3 ساعات بس وإحنا لازم نغسل 4 ساعات، طبعًا بنقوم من على الأجهزة وإحنا مش غاسلين كويس وطبعا مش بنستحمل وبنيجى جلسة الغسيل اللى بعدها خلصانين" وأشارت داليا إلى أنه يتم تقسيم الجلسات إلى مجموعتين" مجموعة السبت والتنين والأربعاء، والمجموعة التانية اللى أنا فيها أحد وثلاتاء وخميس". "إحنا مهمشين، إحنا زى السرطان مرضنا مزمن، كفاية علينا اللى احنا بنشوفه من المرض ما يجوش علينا كمان، إحنا محرومين من المصايف والخروج، إحنا محبوسين فى حياتنا، اعتبرونا من نسبة ال 5 %". "الفلاتر والأدوية التعويضية، أهم الحاجات اللى نقصانا، كمان القرار ليه يخلوه كل 6 شهور، خلوه كل سنة علشان الدوخة اللى بندوخها، إحنا مش مستحملين تعب زيادة". شاهد الصور..