"ارحمنا ربنا بيرحم، حسبنا الله ونعم الوكيل في اللي بيغلي الأسعار علي الغلابة، ده موت مش غلاء، جوعنا ومش عارفين نعيش إزاي، الريس قال أساعد الغلبان أول حاجة عمالها داس علينا بالجزم".. كلمات رددها المواطنين لكاميرا "المصريون"، لإيصالها للمسئولين عندما قامت برصد رأي الناس عن ارتفاع الأسعار. قالت أم مصطفى، بائعة خضراوات: "الأسعار بتزيد كل يوم عن اليوم اللي قبله والزباين بتآكل وشنا مفكره أننا اللي بنغلي ميعرفوش أن التاجر هما اللي يزودوا السعر علينا". وصرخت مواطنة قائلةً: "ده موت مش غلاء زجاجة الزيت ب15 جنيهًا وكيلو الأرز ب6 جنيهات الفقير هيعيش إزاي"، متابعةً "الريس قال إنه هيساعد الغلبان أول حاجة عملها داس علينا بالجزم". وقالت أخرى: "ربنا هو اللي عالم بالغلبان مش رئيس الجمهورية"، مرددةً "ارحمنا ربنا بيرحم". وأردفت سيدة أخرى: "الحاجة كلها غالية والناس مش قادرة تعيش وطالبت رئيس الجمهورية بوضع حل في أزمة زيادة الأسعار، والنظر إلي معاناة الفقراء".