روت سيدة من رأس غارب تدعى "هدى محمود شريف" تفاصيل مروعة عما حدث في مدينة رأس غارب ، مشيرة إلى وجود سيل آخر في الطريق قد يمحي المدنية حسب قولها. ولفتت في تدوينة عبر حسابها ب"فيس بوك" إلى أنه بالإضافة للسيل الذي جرف أمامه كل شيء فإن كميات مهولة من الضب الثعابين أتت مع المياه وسببت حالة من الرعب لمن بقوا أحياء . وإلى نص التدوينة: انا لله وانا اليه راجعون مصيبه مصيبه مصييييبه بلدي ماتت مدينه راس غارب محافظه البحر الاحمر قبل الغردقه بساعتين مصيبه وحلت علي دماغنا الساعه 12بليل يوم الخميس بعد يوم كامل مطر شدييييد المطر فالصحرا اتخزن كله ورا جبل عالي الجبل علي بليل مقدرش يستحمل انهار والميه كلللللها جريت بسرعه لاتقدر تستحملها عينك ونزلت علي راس غارب بلدي الساعه 12 بليل الناس يقولو الحقوووو السيل جاي علينا واحنا نجرييي بهدومنا ونقفل بابنا ونجري عالجيران نستخبي فالدور التاني لاننا بيتنا ارضي خوفنا نغرق في بلكونه الجيران من 12 بليل ل4 الفجر الميه شايفينها مستمرررررره بضغط عالي مبتسكتش جابت كل اللي في وشها جثث وخداها وبتجري عربيااااات بتجري وتدخل في البلكونات والبيوت تنوكه ميه كل حاجه كل حاجه وخداها الميه والطينه اللي جايه من الجبل ومش بس كده المصيبه الكبيره كميات مهوووله من التعابين والضب والطريشه والعقارب جايه من الجبل مع الميه ومش باينه طبعا من الطينه اللي اتلسع بيموت مفيش امصال مفيش مستشفي مفيش محلات كله اتدمر وكلة راح بيتنا غرق تلاجه وغساله ودواليب وهدوم واجهزة كل راح بيت اخت جوزي الميه عدت سقف البيت وجريو استخبو فوق السطح وبيتها كله فالشارع مفيش مراتب مفيش هدوم مفيش اجهزة راحو بيت حماتي بهدوم البيت اللي لابسينها مفيش دهب مفيش فلوس كله طار فالميه المحلات فرقعت الازاز بتاعها والبضاعه مرميه فالشوارع اقسم بالله اقسم بالله اللي عارف اعصار تسونامي اللي حصل احنا حصلنا زيه واسوأ الناس اتحبست جوة البيوت من ضغط الميه وماتت من يوم الخميس لحد امبارح معرفش اصحابي ميتين ولا عايشين التليفونات كلها فصلت الكهربا قاطعه فالبلد كلها بلااااا استثناء لان البلد بقت بحرررر ميه وطينه وجثث يعني الناس يتفتح البيوت بتلاقي جثث طلعالهم ناس مفقوده ناس الميه خدتهم وجريت بيهم حوالي 20كيلو متر ودتهم بلد تاني اقول ايه ولا ايه بس انا لحد دلوقتي مروحناش بيت اهلي شوفنا الدمار اللي فيه اخويا بيحكيلنا اللي حصل محدش سال فينا محدش عبرنا محدش جبلنا عربيات تشفط الميه من الحكومه والطينه انا بقيت اتحايل علي اي عربيه تاخدنا تودينا المنطقه اللي فيها شقتي نقعد في حته امان شويه لان شقتي في منطقه بعيده شويه ولما جينا امبارح واحد تحت العمارات الحقووووو في سيل تاني جاي علي غارب طبعا صريخ صوات بنجري فالشارع مش عارفين نروح فين شقتي دور ارضي واحنا اول ناس هنغرق عياط بكا مش حاسه بنفسي جوزي مسافر مش معانا مش معانا حد وفالاخر يقولو ده طلع واحد بيكدب الناس بتجري فالشوارع كانت هتعمل حادثه عاوزين يلحقو اهاليهم ياخدوهم ويهربو الطرق برا مقطوعه محدش عارف يخرج من غارب محبوسين جواها حوادث الناس بتجري تستخبي فالمقابر يااااااااربي اقول ايه ولا ايه عايشين في رعب مش بننام كوابيس كوابيس امبارح قاعده فالاوضه مستنيه الميه تدخل علينا الشقه خايفه انام اصحي الاقينا ميتين الميه في نص ساعه بس كانت غرقت البلد والصور تشهد وكمان الصور دي بعد مانشفت كماااااان...ارجوكم ارجوكم ارجوكم ادعولنا احنا في مصيبه كبيره وفعلا فعلا احتمال فيه سيل تاني متخزن ورا جبل تاني اقووووووي من ده هينزل ف خلال كام يوم ادعولنا لان لو السيل ده نزل بلدنا هتختفي والله البيوت هتقع احنا من امبارح البرامج بتتكلم علينا بس محدش عاملنا حاجه ..ارجوكم ادعولنا احنا بنموت بنمووووووت بنموووووووت ادعولنا ميكونش في سيل تاني احنا ملحقناش نفوق من ال حصل احنا ناسنا لسا تحت العربيات وتحت الميه دي مش عارفين نطلعهم شيروووو البوست خلو كل مصر تدعيلنا انا لله وانا اليه راجعون اللهم ارفع مقتك وغصبك عنا انا عدلت البوست ربنا يتقبل منكم والله كنت فاكره ان نحدش هيقرا البوست عشان طويل دعواتكم دعواتكم دعواتكم ودعواتكم لجوزي ربنا يسلم طريقه حجز وراجعلنا ادعولو ربنا يسلم طريقه الناس بتموت وهي مسافره الطرق مش باينه من الميه هموت من القلق عليه اللي مش عارف يشير البوست ياخد كلامي كوبي وينقله مع الصور عاوزه كل الناس تحس بينا وتدعيلنا انا مش ضامنه اني اعيش انا لسا مقابله واحده صاحبه ماما بردو جات تقعد ف شقه بنتها بتقولنا اتغلقو فالحديد فالسقف الميه وصلتهم لحد وشهم والتعابين دخلت عليهم استغفر الله العظيم بس ال بيحصل فوووووق طاقتنا فوق طاقتنا يارب ارحمنا يارب كفايه يارب ارجوك ادعولهم. صورة نشرتها كاتبة التدوينة للزواحف :
