قريت كلامكو بدمع العين.. لأ.. أنا أمى عايشة لكن أنا اللى مت من سنين.. لإنى اتحرمت منها من خمس سنين.. بحجة الرزق والسفر والشغل والوقت أجيبه منين.. حالى زى حال شباب كتير متغربين.. متبهدلين.. متخدرين.. وأسوأ شىء إنهم من أمهم محرومين.. حتى وهمّ عايشين.. لا حول ولا قوة إلا بالله طاب اشكى لمين.. إلا لرب العالمين.. لا الغربة نفعتنا ولا الفلوس كفتنا.. ومازلنا منهم محرومين.. فى أول رمضان كلمتها.. قالتلى وحشتنى يابنى ووحشتنى أفعالك.. بس ماتقلقش يابنى وخد بالك.. من نفسك إنت ومن حالك.. وأنا وأبوك الحمد لله عايشين.. ومادام عليكو مطمنين.. كله يهون يا نور العين.. بكيت.. وقلتلها.. وحشتينى يامة إنتى وأبويا.. وكل سنة وإنتم طيبين. [email protected]