حذفت عارضة الأزياء أسما شريف منير جميع صورها عبر حسابها الشخصي بموقع «إنستجرام». أسما شريف منير تكشف سبب حذف صورها من «إنستجرام» وكتبت أسما شريف منير، عبر حسابها الرسمي بموقع «إنستجرام»: «شلتي كل صورك ليه؟ عشان عايزه أشارك معاكم حاجة تفرق، تفرق مع شخص واحد بس! طب وهو إيه يعني اللي هيفرق في الصور دي؟». وأضافت: «أول حاجة عايزة أوصلها من الصور دي، إنها من غير أي اديت أو فلتر، ودي حاجة انا في صراع دايم فيها، عشان بقيت بحب شكلي ب فلتر أكتر وده شيء محزن، فمحتاجة احس اني حرة من الفلاتر والإديت عشان أشجع بنات تكون حاسة أحسن». وتابعت: «تاني حاجة في صور من شغلي ومشروعي اللي تعبانه فيه جدًا ومحتاجة اشاركوا معاكم عشان اشجع الناس انها تاخد خطوة في انها تبدأ من الصفر عادي مهما كانت مكانتها الاجتماعية». واستكملت: «تالت حاجة مشروعي الاصغر هو الفخار، وده انا عملته عشان اشجع المنتجات اليدوية الطبيعية الصحية وعشان انا دلوقتي بختار اغلب اختياراتي في الحياة أي حاجة راجعة للطبيعة». وأردفت: «رابع حاجة، لما تخنت كنت مكسوفة بس تقبلت جسمي وحبيته بس ده مش معناه اني مش عايزة اوصل لأفضل شكل صحي لجسمي، فشغاله عليه وعندي خطة للتغيير، بس لحد ما اوصل للنتيجة الصح انا حابة نفسي وانوثتي وشايفة نفسي تمام اوي». واستطردت: «خامس حاجة، اني بحلم احلام ناويه بكل قوتي احققها فبقيت بحط نفسي في الاماكن اللي شبه حلمي، بجذب الناس اللي بتفيدني، بحلم احلام كبيرة بس مش وانا قاعدة على الكنبة، وانا بسعى في شغلي ومصدقة اني هوصل لأكتر ما بتمنى وده بقوله عشان اشجعكم انكم تتحركوا ومتأجلوش اللي نفسكم فيه مهما كانت الحاجة اللي موقفاكم». واختتمت : «سادس حاجة، التأمل في خلق الله، غير حياتي وخلاني اكون شخص اهدى وممتن اكتر، وحساس اكتر. انا حقيقي نفسي افيدكم واساعد اللي بيتابعوني يكونوا احسن بأي طريقة ممكنة، وانا بحضر حاجات جديدة اتمنى انها تكون مصدر إلهام ليكم، وحشتوني اوي». View this post on Instagram A post shared by Asma sherif moneer- اسما شريف منير (@asma.sherif.moneer) اقرأ ايضًا أسما شريف منير تدعم شيرين: «أنا أكتر واحدة حاسة إحساسها»