كشفت الفنانة مي عمر الكثير من الكواليس في حياتها الشخصية والفنية حيث أكدت أنها أرادت أن تقدم شخصية مختلفة في مسلسل« نعمة الأفوكاتو». وقالت مي عمر، في لقائها مع برنامج« بيت السعد»: «لما باجي ألبس ملابس في المسلسل بيبقى على حسب الشخصية، فمثلًا شخصيتي في لؤلؤ كانت بتلبس شيك لأنها كانت مطربة، فالطبيعي ترتدي ملابس غالية جدًا، فأنا برتدي ما يناسب الشخصية اللي بعملها». وتابعت: «لما قدمت شخصية نعمة الافوكاتو كانت الفكرة أني باحكي عن واحدة بتتعرض للخيانة من زوجها وبعدين بيحاولوا يقتلوها فبتطلع مماتتش، دي كانت الفكرة العامة للمسلسل، مكناش حددنا الطبقة الاجتماعية». وأوضحت: «أنا كان نفسي أقدم حاجة مختلفة، اقترحت على محمد سامي إني أقدم شخصية شعبية، فوافق ولكنه قال لي مش عايز ميكب خالص، وافقت طبعا، وقلت أول لما الناس تشوفني في الشخصية إني هانتقد على شكلي لكن قلت مش مهم أنا عايزة أقدم شخصية حقيقية». واستطردت: «فوجئت أن الناس انبسطت من الشخصية وردود الأفعال كانت جيدة جدا عليها».