قال الإعلامي أحمد موسى، إن مدينة العلمين الجديدة، متاحة لمختلف الطبقات، وليست للأغنياء فقط. أوضح موسى، في تعليق خلال تقديمه برنامج «على مسئوليتي» على قناة «صدى البلد»، السبت، أن العلمين الجديدة مدينة مفتوحة للجميع وبلا أسوار، بعكس بعض المناطق الأخرى «المغلقة» في الساحل الشمالي، والتي لا تستقبل سوى سكانها أو ملاكها فقط. وأضاف: «لو ملكش حد في مارينا، متدخلهاش، ولا تشوف البحر بتاعها، العلمين مش كده»، مشيرًا إلى وعد الرئيس السيسي بوجود شاطئ عام لكل الناس في العلمين الجديدة. وتابع «موسى»: «العلمين الجديدة مش للأغنياء، العلمين الجديدة لكل الناس، كله ينزل بحر العلمين الجديدة، اللي دفع فلوس وواخد شقة هناك أو بيت ينزل، اللي مدفعش وجاي يقضي يوم ينزل». وأكمل: «تدخل المطاعم زيك زيه بالضبط، العلمين الجديدة مش مقفولة، ملهاش أسوار، يعني مش قافلين الأبراج على سكانها، مدينة مفتوحة لأي حد يدخل في أي وقت». واستطرد: «عايز تتغدى في فندق اتغدى، عايز تنزل البحر انزل، ولا حد هيقولك بتعمل إيه، لو عايز تقعد ما تصرفش ولا جنيه، مش هتصرف ولا جنيه، لو عايز تروح وتقضي يوم وما تصرفش ولا جنيه، روح انت حر، عايز تاخد حاجتك معاك انت حر». اقرأ المزيد: *أول تعليق من مفتي الجمهورية الجديد على اسمه «المثير للجدل» (فيديو) *الأرصاد الجوية تنصح المواطنين: «افتحوا الأبواب والشبابيك بالليل» (فيديو) *ثروة آل أمباني الهندية تفوق اقتصادات عدة دول عربية.. كم تبلغ؟ *ارتداد قوي في الأسعار.. توقعات سوق الذهب بعد انهيار البورصات العالمية (فيديو)
