كشف المصارع المصري محمد إبراهيم السيد كيشو مساء اليوم السبت، كواليس أزمته الأخيرة، كما وجه الشكر إلى العديد من الجهات المصرية. «مصدوم ومش تربيتي».. كيشو يكشف كواليس أزمته ويشكر هؤلاء (فيديو) نشر كيشو فيديو عبر حسابه الشخصي على «انستجرام»، وقال خلاله: «مساء الخير عليكم جميعًا، بصراحة كدة أنا مضايق أوي ومصدوم، من إللي أنا شوفته ده، ردود الأفعال بتاعت الناس أول ما الخبر بتاعي نزل». وأضاف: «طب إنتو عرفتوا إيه إللي حصل، أو يعني حد أكد المعلومات دي عشان تشوه سمعتي وصورتي قدام الناس، بدل ما تقف معايا وتدعمني تعمل كدة». وتابع: «باختصار يعني إللي حصل أنا كنت في كافيه عادي مش بار وكنت في كامل وعيي مش سكران وده إللي قالته الحكومة الفرنسية مش أنا». وواصل: «ولم أعتدي على حد وده برضو الحكومة الفرنسية قالته في التحقيقات، ومكنتش مخمور ولا شارب كحول ولا أعتديت على البنت». وأكمل: «وكنت متأكد من ده لأن دي مش أخلاقي وأنا عايش في أوروبا معظم الأوقات وفاهم في القوانين ومستحيل أعمل كدة أنا مش بقعد في مصر». وأردف: «وحسبي الله ونعم الوكيل في كل الناس إللي طلعت اتكلمت فيا وشوهت صورتي، ومش هنسى الناس إللي دعمتني ودافعت عني، وبشكر الموقف المصري، معالي السفير مسابنيش، والوزير واللجنة الأولمبية، مسابونيش لحظة». وأتم: «والحمدلله الشرطة الفرنسية أثبتت البراءة بتاعتي، من كل اتهامات البنت، وكمان ساعتين راجع مصر وبشكر الناس إللي دافعت عني وكانت واثقة فيا وشكرًا ليكم جميعًا». View this post on Instagram A post shared by Mohamed Ibrahim (@kesho_official) وسبق وأعلنت اللجنة الأولمبية المصرية براءة المصارع المصري محمد السيد كيشو من تهمة التحرش بفتاة فرنسية في أحد المقاهي الليلية.
