أحيا الفنان رامي جمال، أول أمس الجمعة حفلًا غنائيًا مميزًا ضمن فعاليات الموسم الثاني من مهرجان العلمين، الذي انطلق في 11 يوليو، ويستمر حتى 30 أغسطس الجاري. وقال رامي جمال في تصريحات قالها في فيديو نُشر على الصفحة الرسمية لمهرجان العلمين عبر «فيس بوك»، عن علاقته بالغناء والتلحين: «موضوع التلحين هو اللي بدأ معايا، وأنا بحب الغناء من وأنا صغير، ولما دخلت الكلية، فيه واحد صاحبي قالي إن اللي بعمله على الجيتار ألحان». وتابع رامي جمال: «مع الوقت اكتشفت إن عندي موهبة مش عارف عنها حاجة وهي التلحين، وأنا بحب مطربين كبير أوي زي محمد فوزي، منير مراد، وأنا نفسي تشوفني في التمثيل.. بس خلينا متفقين إني لسه يعني مثلًا النجاح في التلحين الحمد لله بقيت مبسوط، والغناء لسه ماحققتش النجاح اللي بحلم بيه،ما أوصله نشوف». لمشاهدة الفيديو اضغط هنا وأضاف رامي: «أنا مبسوط إني موجود في مهرجان العلمين، والسنة اللي فاتت حضرت حفلة لأنغام وكنت غيران عشان ماليش حفلة وقتها، والسنة دي الحمد لله ليا حفلة، وإدارة مهرجان المتحدة تشرف، وإحنا في مصر سبّاقين بالمهرجانات واكتشاف المواهب، وحقيقي العلمين مدينة عالمية». كما حرص رامي جمال، خلال الحفل على توجيه الشُكر للشركة المتحدة للخدمات الإعلامية، على التنظيم المميز للمهرجان، إذ قال: «المهرجان حاجة تشرفني جدًا، أنا شايف تنظيم هايل، ومصر أم الدنيا، أي فنان بيحب يتشهر بيجي، وأشكر الشركة المتحدة، وأشكر بلدي». اقرأ أيضًا: قبل إحيائه غدا.. تعرف على شروط وأسعار تذاكر حفل رامي جمال بمهرجان العلمين