عبر نجم نادي الزمالك السابق، عن غضبه الشديد بسبب تجاهله وعدم إعطاءه فرصة في تدريب منتخبات مصر بمختلف الأعمار السنية، مشيرًا إلى أنه طلب ذلك بشكل صريح من أحد أعضاء اتحاد الكرة ووعده بإعطاءه الفرصة. وقال نجم الزمالك السابق محمد اليماني، في تصريحات تليفزيونية عبر برنامج «بلس 90» المذاع على قناة «النهار»: «في حاجة اسمها جبر الخواطر، ولما لاعب زميل ليك في الملعب يطلب منك حاجة وتقولي أه وبعدين ميحصلش حاجة، متدنيش أمل وبعدين ملقهوش كنت قولت من الأول وخليك صريح». وأضاف اليماني: «من 8 سنين وأنا عايز أمرن في منتخب مصر، وآخر حاجة كنت كسبان كبيتانو مصر، وواخد البطولة وأحسن مدرب، والمفروض أن ده برنامج تبع ومشروع الدولة وبتوجيه من الرئيس السيسي». وأكمل: «الغريب بقى أني متحطش ضمن قائمة المرشحين للمنتخبات ولا رقم 1 ولا 2 ولا 3، أديني فرصة، أنا مش عايز مدير فني بس أبقى في الجهاز على الأقل رقم 3 مش هقول لا». وزاد: «محمد اليماني مش جاي من الشارع، أنا لاعب ليا أسمي، وجبت تالت عالم، ومعايا رخصتين في التدريب ال سي وبي، والأساسية». وتابع: «كل واحد بيتولى منصب بيجيب الناس بتوعه، وأحنا مش هنتفرج عليكم، ممكن نتكلم، بس ساكتين عشان الناس شايفه، والدنيا بتدور». وأتم نجم المنتخب السابق: «تواصلت مع هاني أبو ريدة وروحتله لما كان ماسك اتحاد الكرة ووعدني بمنصب في المنتخبات، بس بعدها مشي من الاتحاد».