كشف سيد عبدالحفيظ، مدير الكرة بالنادي الأهلي الأسبق، عن سبب رغبة اللاعبيين في الانتقال إلى النادي الأهلي دون غيره. وقال سيد عبدالحفيظ، في تصريحات تليفزيونة عبر برنامج «اللعيب» المذاع على إم بي سي مصر: «الزمن اللي أنت فيه الفلوس هي اللي بتتكلم، وكمان الأهداف اللي عايز تحققها، وقصير النظر والفكر اللي بيبص للفلوس النهاردة». وأضاف مدير الكرة السابق بالنادي الأهلي: «ممكن ميبقاش أعلى عقد ليك السنادي، بس هيكون ليك قدام فمن الخطأ أنه يبص لعقد عالي في الوقت الحالي أول ميجي النادي، طب بكدة السنة الجاية ممكن ميبقاش في عقد أصلا». وتابع: «من مزايا النادي الأهلي أنك ممكن متبقاش أعلى عقد ولكنك أعلى دخل، ممكن تلاقي ناس في أندية تانية بتاخد الضعف ولكن لما تعدي 3 سنين شوف دخل ده بقى كام ودخل لعيب النادي الأهلي بقى كام». وأشار سيد عبدالحفيظ ضاحكًا إلى أن الدليل على صحة حديثه، أن إمام عاشور جيه الأهلي.