فجر الإعلامي سيف زاهر مفاجأة من العيار الثقيل بشأن ملف صفقات الأهلي الجديدة والراحلين عن الفريق، خلال فترة الانتقالات الصيفية الجارية. وقال سيف زاهر في تصريحات عبر قناة «أون تايم سبورتس»: «النادي الأهلي شبه بينهي التعاقد مع لاعب كبير ليس مهاجم، ولكن في الخط اللي تحت الماهجمين، صفقة كبيرة وبرقم كبير، هتزلزل الوسط الكروي». وأضف: «الأهلي شغال في صفقتين كبار، منهم صفقة تقترب من الانتهاء، وهتودي الحتة دي في منطقة تانية، وهناك اتفاق على التعاقد مع 2 مهاجمين بجانب وسام أبوعلي». وتابع: «كهربا يقترب من الإعارة، وكولر بيراجع نفسه في اتنين لاعيبة كان أخد قرار نهائي ومش هقول نظرا لعدم الاحراج، وفي ناس كلموا الأندية في مصر قالولهم لو عاوزين الأندية ادخلوا تفاوضوا ولكن الخطيب من أول دقيقة قال استنوا لما يخلص الموسم». وأتم: «كولر دلوقتي 50 ل50، ومن الممكن إن في لاعيبة تكمل لحد آخر الموسم».