تحدثت الفنانة منال سلامة عن ابنتها الفنانة أميرة أديب، موضحة أنها موهبة ومجتهدة لذلك هي فخورة بها. قالت منال سلامة خلال تصريحات تلفزيونية في برنامج «الراديو بيضحك مع الإعلامية فاطمة مصطفى:»أميرة بقت مشهورة أكتر مني هي شاطرة وموهوبة وأنا فخورة بيها عشان عملت كل حاجة من نفسها، أميرة من صغرها ماتعبتنيش حتى في الدراسة وفي علاقتها بالناس«. أشارت: «أبويا رباني على إني إنسان مش إني بنت ومفيش فكرة الولد والبنت وأنا كنت البكرية كان بياخدني أقعد معاه على القهوة وأنا صغيرة أو المسرح أنا بكره كلمة راحل أنا إنسان ومعنديش فكرة إني بنت واتكسف، وربيت ولادي أميرة وعلي على أنهم بني أدمين». لفتت: «أميرة بتسافر برة بالشهر وشنطتها على كتفها وتقعد في هوستل أبو3 دولار و6 دولار في اليوم، وتقعد تحكيلي على مغامراتها وضحك السنين، هي بتحب السفر جدًا في حاجات بتجهزها وفي حاجات بتطلع على باب الله كده». اختتمت: «أنا سايبها تبقى شخص معتمد على نفسه، لأني بربيها إني مش عايشلها طول العمر لازم تبقى هي وأخوها عودهم قوي عشان يتحملوا مصاعب الحياة، أنا ربيتهم يعيشوا في مستوى بسيط وعالي يقدروا يقعدوا على الطبلية ويتعاملوا ببساطة ولو تواجدوا في مستوى 7 ستارز يقدروا يتعاملوا مع هذا المستوى». عرض هذا المنشور على Instagram تمت مشاركة منشور بواسطة Fatma Mostafa (@fatmamostafaofficial) أميرة أديب تدخل عالم الغناء ب «كارت محروق» وكانت الفنانة أميرة أديب، قد خاض أولى تجاربها الغنائية ب "كارت محروق"، والتي طرحتها مؤخرا على طريقة الفيديو كليب.