علق أحمد حسام ميدو نجم الزمالك السابق مساء اليوم الإثنين، على ركلة جزاء حسين الشحات في مباراة الأهلي وبيراميدز الماضية، بالإضافة إلى انتقاده إلى المدير الفني للأخير بسبب اللاعب المغربي محمد الشيبي. «مفيهاش ريحة الخطأ».. ميدو يُعلق على ركلة جزاء الشحات.. وينتقد مدرب بيراميدز بسبب الشيبي قال ميدو في تصريحات خاصة ل«المصري اليوم»: «ركلة جزاء حسين الشحات مفيهاش ريحة الخطأ، وكل الخبراء التحكميين أكدوا ذلك». وأضاف ميدو: «وأنا استغربت جدًا إن الفار مدعاش الحكم عشان يشوف الكرة مرة تانية، مع إن الكرة سهلة إنها تتشاف، وبالأخص مع تواجد الفار». وتابع: «مفيهاش كلام، وحسين حط رجله عليه، واتحسب ووقع، هي تخدع أي حكم في الملعب، بسبب الزوايا الخادعة، لكن أكيد الأخطاء التحكيمية آثرت على نتيجة المباراة». وواصل: «أنا بشوف حاجات عمري ما شوفتها في الكورة، بجد والله مش بهزر، أنا مش فاهم ومفيش تفسير إن الشيبي ينزل بعد نص ساعة». وأختتم: «الشيبي أول ما نزل شكل بيراميدز في الملعب أتغير، مش عارف ليه المدرب عمل كدة، قرار غريب ومش مفهوم».