انتقد عامر حسين، رئيس لجنة المسابقات بالاتحاد المصري لكرة القدم، مساء اليوم السبت، سؤال الإعلامي إبراهيم فايق بشأن رحيله من اللجنة. «لو مش مُشرف هصرح إزاي».. عامر حسين ينتقد سؤال إبراهيم فايق حول رحيله قال عامر حسين خلال تصريحات عبر قناة «إم بس سي مصر 2» في برنامج «الكورة مع فايق»: «سؤال غريب بصراحة، وبتقوله ليه يا كابتن إبراهيم». وأضاف: «أول مرة أسمع السؤال ده، اتصلت بيا ليه طب عشان أعمل مداخلة، أجاوب بناءًا على إيه بقى، من الآخر عشان أريح حضرتك في موسم هينتهي». وتابع: «كل الأمور واضحة وفي تشكيل رابطة جديدة بعد نهاية الموسم ولجنة جديدة، والانتقادات عادية وأنا متعود، وفي ناس بتتكلم ومعندهاش بيانات كافية أو بتخبيها على الناس». وأكمل: «الناس بتنسى عملنا إيه، وبنحاول نعالج الموسمين دول، وبيمسحوا التاريخ والمواسم، بس الموضوع سهل جدًا، والأندية عارفة مصلحتها وعارفة الحقيقة». وواصل: «أي وضع في المسابقات بيزعل الأندية، وشغلنا متعب عشان بنعاقب الناس كلها، وكل نادي له مصلحة مختلفة، وكله بيبعد المشاكل عنه وبيجبها عندنا عشان الجمهور يرتاح». وأتم: «وأنا لعب كرة قبل كدة وهات طلعت يوسف كنت بلعب في نادي الكروم وعندي خلفية، والحمدلله، اشتغلت في نادي الاتحاد».