أشاد أحمد حسام ميدو، نجم نادي الزمالك ومنتخب مصر السابق، بالمستوى المتميز الذي ظهر به مهاجم النادي الأهلي، الفلسطيني وسام أبو علي، في المباريات الأخيرة مع المارد الأحمر بالدوري، مشيرًا إلى أنه فرود قوي والأهلي يقدر يبني عليه الموسم القادم. ميدو يتغنى بنجم الأهلي وقال أحمد حسام ميدو في تصريحات تليفزيونية عبر برنامج «الهدف» على قناة أون سبورت: «وسام أبو علي فرود، رأس حربة محترم من أول يوم تقدر تشوف تحركاته وتوجيهة للضغط، وبيعرف يجيب جول». وأضاف ميدو: «بقالنا كتير مشوفناش نفس الإمكانيات دي، صفقة محترمة جات بعد ما الأهلي جرب حظه أكتر من لعيب في خط الهجوم، والتوقيت اللي قدرت فيه إدارة الأهلي التعاقد مع وسام أبو علي مهم جدًا، مهاجم صغير في السن ومسحوب عليك لاعيب مصر وعنده ثقة في نفسه، وبيعرف يسدد ركلات الجزاء». وعن مميزات وسام أبو علي، قال ميدو: «لاعيب بيتحرك كويس جدًا، والتكنيك اللي بيشوط بيه ركلات الجزاء هو التكنيك اللي بيستخدمه بشكل عام في إحراز الأهداف، والأهلي بقاله كتير مجابش لاعيب بالخامة دي». وأردف: «الأهلي يقدر يبني على وسام أبو علي السنة الجاية ، ولكن المارد الأحمر محتاج فرود جامد تاني عشان وسام إصاباته كتير». وأتم نجم الزمالك السابق: «الأهلي محتاج منافسة، ولازم يجيب أنه يفكر في رأس حربة مصري جامد مع وسام أبو علي».