شقيق شيرين عبدالوهاب يفجر مفاجأة بشأن تعديه عليها بمستند من النيابة: «لعبت دور الضحية»

قرر محمد شقيق الفنانة شيرين عبدالوهاب، التعليق على أزمة شقيقته مرة أخرى، بل وكشف فيها تطورات جديدة من خلال نشره مستند من النيابة العامة ليكشف برائته أمام الجمهور من إذائها.
ونشر محمد عبر حسابه الرسمي ب«فيس بوك»، قرار النيابة العامة بالحفظ إداريًا في كل الاتهامات التي توجهت ليا بتاريخ 19-12-2022، حين حدثت أزمة، وقيل إنه تعدى على شيرين بالضرب، وكان معه 20 رجلًا، وكسر لها ضلعًا، ورفع عليها السكين.
وكتب شقيق شيرين، في منشوره: «كل واحد عنده قدرة على تحمل الأذى لكن للقدرة دي حدود».
وتابع محمد: «ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 9-12-2022 يعني من سنتين».
وأضاف: «إيه هي بقى الاتهامات دي؟، كسر الضلع والعشرين راجل اللي دخلت بيهم على اختي!، وطبعًا موضوع السكينة!، واتسألت على التوكيل بتاعي وبتاع أمي من وكيل النيابة المحترم وكله مثبت، س سوال ج جواب. التوكيل اللي بتقول إن انا أسأت استخدامه!».
وأكمل: «وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها، والأهم أمي اللي كنت مفهمها أن بنتها اتنازلت وأنا أستحمل أي حاجة إلا إنها تتوجع في ولادها».
وأردف: «ونفس الكلام اللي من سنتين بيتعاد تاني معرفش لمصلحة مين، مع أني بعيد عنك، وعن حياتك من سنين قبل الواقعة، وسنتين من بعدها».
وقال عن المستند: «ده قرار النيابة العامة الموقرة في الافتراءات اللي اتوجهتلي، مش بيان من محامي، وأي حاجه هرد بيها هتكون مستند حكومي عليه ختم النسر».
وأختتم منشوره قائلًا: «مُرفق هنا الفيديو بتاريخ 11-11-2022، اللي قولتي فيه إنك اتنازلتي ولعبتي دور الضحية، ومرفق برضو المستندات الرسمية اللي بتثبت إن القضية فضلت شغالة، وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك».
اقرأ أيضًا:
«أخويا باعني».. أول تعليق من شيرين عبدالوهاب عن أزمة أغانيها (فيديو)
أول تعليق من شيرين عبدالوهاب بعد أزمتها الأخيرة : تعرضت لمؤامرة من شقيقي