كشفت المطربة شيرين عبدالوهاب، حقيقة أزمتها مع شقيقها محمد عبدالوهاب، وتصريحات حسام حبيب عن هذه الأزمة، خلال مقطع صوتي ببرنامج «الحكاية» المذاع عبر فضائية «إم بي سي مصر». أزمة شيرين عبدالوهاب وعقبت شيرين، على تصريحات حسام حبيب، قائلة: «فوجئت باللي حصل من محمد عبدالوهاب.. وكل اللي قاله حسام حبيب مظبوط، أخويا باعني»، لافتة إلى أنها حررت توكيل عام لشقيقها منذ سنوات وبموجبه استولى على حساباتها على السوشيال ميديا الخاصة بها. حسام حبيب وأضافت، «كل اللي قاله حسام صح، متصدقوش حاجة من اللي محمد عبدالوهاب»، معربة عن أسفها لإشغال الجمهور بمشاكلها، مطالبة محبيها بمتابعة البيانات الرسمية الصادرة عن محاميها فقط. وقالت شيرين عبدالوهاب: «أنا فوجئت بالي حصل على السوشيال ميديا من محمد أخويا وحسام وحبيت، وأردت التأكيد أن كلام حسام مظبوط جدًا وأخويا فعلا باعني». واستكملت:«التصريح اللي نزل نزل من محامي محمد اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًا جدًا عاملينها وشوية حاجات بتخلص عشان المشاكل مع الشركة المنتجة، لأن في حد كمان قاصد يقعدني في البيت وبنخلص الحاجات دي». متصدقوش محمد عبدالوهاب واستكملت: «عايزاكم متصدقوش أي حاجة من محمد عبدالوهاب وإن شاء الله الأغاني لما تنزل تعجبكم، بالرغم من أن المحكمة حكمت والقضاء المصري أن عقدي انتهى مع روتانا لكن هم لسه رافعين قضايا وموقفين الدنيا كلها وأنا واثقة في قضاء بلدي، واضطريت أرد لأني لقيت السوشيال ميديا مقلوبة». وتابعت: «مش عايزة أضايقكم لإني عارفة أن كل واحد فيكم عنده مشاكل وهموم، وكل شوية شيرين شيرين والفترة اللي فاتت مكانش ليا تصريحات وانتوا أهلي وسندي وبتردوا غيبتي وبتقفوا لي وكمان بعد إذنكم في بيان رسمي في مكتب المحامي قنطوش وياريت ما تصدقوش غير البيانات اللي بتبقى تصريح مني شخصيا غير كده دي أكاذيب بشكركم يا حباييي وربنا يخليكم ليا». حسام حبيب وشيرين عبدالوهاب وكشف المطرب حسام حبيب حقيقة الرسائل الصوتية التي سُربت من هاتفه عبر مواقع التواصل الاجتماعي، والتي كشف من خلالها عن الوضع الصحي لطليقته المطربة شيرين عبدالوهاب وأزمة خلافها مع شقيقها. وأشار حسام إلى أنه سيتقدم ببلاغ ضد من سرب هذه المحادثات الخاصة من هاتفه، حيث قال في رسالة صوتية نشرها موقع «ET بالعربي» :«أنا ماصرحتش بالكلام.. دي حاجات اتسربت من موبايلي عن طريق السرقة». وأكد حسام حبيب أنه سيتقدم ببلاغ ضد من قام السرقة، حيث حذر من تداول تلك التسجيلات قائلا: «محتوى الموضوع أن أخوها مضى توكيل بأثر رجعي أنه يتنازل عن السوشيال ميديا بتاعة شيرين بدون علمها، التوكيل ملغي، وده أتقدم به بلاغ رسمي للنائب العام.. وأنا مبقولش كلام مرسل أو اتهامات مش موجودة». وأضاف: «لكن شيرين مقدمة بلاغ عن طريق المحامي ياسر قنطوش وأعتقد الناس بدل ما تهاجم المفروض تفهم مين السبب في منع شيرين النهارده عن التواصل مع جمهورها، وأنها تنزل أغاني جديدة». وأوضح: «أعتقد أن الناس لازم تفهم ليه شيرين متعطلة ومش عارفة تنزل حاجة وسبحان الله أنا مقصدتش التصريح، أنا بتكلم في محادثة خاصة على تليفوني أن حد يسربها وينزلها ده شيء غير أخلاقي». واختتم: «المحتوى بتاعها سليم وأتقدم به بلاغات للنائب العام، وأي حد هيتكلم عني سواء من الجمهور أو موقع صحفي هتقدم ضده ببلاغ ومش هتنازل عنه».
