كشف المطرب أحمد سعد، كواليس انفصاله عن علياء بسيوني لأول مرة، مؤكدًا أنها كانت المُحرك الأساسي لنجاحه في الفترة الأخيرة، وأثرت في حياته بقدر كبير، وهي الزيجة الرابعة له. وقال أحمد سعد خلال حواره مع الإعلامي محمود سعد في برنامج «Sold Out»، عن انفصاله: «علياء حتى الآن هي الزوجة الرابعة، بس أنا تمام كده مش هاتجوز مرة أخرى، علياء هي سبب كل التغيير في حياتي، والست هي المحرك الرئيسي للرجل، وأي رجل عظيم كانت المرأة هي الدافع له، وأي رجل فاشل المرأة هي التي جعلته فاشلًا، وهذا من واقع تجربتي في الحياة». وتابع: «علياء ست لا تكلّ ولا تملّ، هي لو شايفة إن هو دا الصح هتقولك لازم تعمله، والمرأة لديها قدرة مهولة في الزن، هي عندها هدف هتعمله يعني هتعمله، والقدرة دي لو تحولت لإيجابيات في الزن على الرجل». وأضاف: «أنا في الأول لما كنت بسمع منها كنت بقولها أنا عارف أنا بعمل إيه سيبيني أقرر، هي عندها صبر مهول وموجود عند كل الستات، وساعات يكون استخدامه في النكد». وأردف: «أنا فيا حتة حلوة أني بعرف أختار الشخص اللي أسند عليه وأسلّم له دماغي، أنا شايف إن هو اللي بيقرر كل حاجة ولكن أنا اللي مقرر إن هو يقرر لي، وشوفت نتيجة نجاحنا مع بعض». وبشأن سبب طلاقه علياء بسيوني: «اللي حصل بعد ده إن الشغل بدأ يأخذ مِن حياتنا الأسرية، وهي شخص مجتهد ومحترم جدًا، وعملت أغنية بعتذرلك لابنتي والموضوع ده مكنش له علاقة أوي بالطلاق». وأختتم أحمد سعد عن ابنته: «بعتذرلها لأني مش معاها، قعدت مرة واثنتين وألف أجاهد على حياتنا الشخصية والأسرية، ولو أنا أناني كنت كمّلت، لأن أنا الوحيد المستفيد». اقرأ أيضًا: أول تعليق من أحمد سعد بعد جدل فيديو «حُماية العيد» أحمد سعد يكشف تفاصيل واقعة ارتداء الحلق: «كنت هلبس جيبة كمان» (فيديو)
