فتح نبيل عماد «دونجا»، لاعب خط وسط الفريق الأول لكرة القدم بنادي الزمالك النار على محلل رياضي شهير. وقال «دونجا»، خلال حواره ببرنامج «الهدف»، المذاع عبر فضائية «أون تايم سبورتس2»: «أنا بحترم النقد جدًا، وأي حد بيعرف يتكلم في الكورة أنا بسمعه معنديش مشكلة خالص أنه يشوفني وحش». وأضاف: «أنا عندي مشكلة مع حد بعينه وقت ما الناس كلها شايفني حلو هو شايفني وحش، أنا عندي مشكلة معاه أنه مبيتكلمش في الكورة وبيضحك على الناس بالحاجات اللي هو بيعملها». وتابع: «أنا بقوله إللي إنت بتعمله ده مش أحسن حاجة ومش صح، الاحترام صعب وقلة الأدب سهلة، فأنا دايمًا بحب أبقى محترم حتى لو هوجه ليه حاجة هوجها باحترام». وواصل: «أنا معنديش مشكلة مع أي حد ولكن في واحد بعينه دايمًا مؤذي، الناس كلها عارفة أنا بتكلم على مين، إنت مؤذي ليه؟ هتستفاد إيه إنك تأذيني، إنت حد قالك اطلع اتكلم عليا، الناس كلها بتضحك على اللي بتقوله وأنا بشفق عليك، إنت كنت في الكورة حاجة جامدة جدًا». وأردف: «عمرك ما تعرف تطلع تتكلم في الكورة، أنا عاوزك تطلع تتكلم فتيات ولكن إنت بعيد جدًا عن الفتيات»،'مضيفًا: «إنت مش كنت بتقول وأنا في بيراميدز دونجا، أفضل لاعب خط وسط في مصر، لو طلعت قولت إنك مقولتش كده هنزلك الفيديوهات ولكن أنا مش مركز معاك، أنا بوصلك رسالة متضحكش بمشاعر الناس، أنا لو مركز معاك هخلي منظرك مش كويس». وواصل: «أنا من عادتي مش بحب أرد ولكن الشخص ده مزودها بأذي. فأنا بقوله نتكلم عن بعض باحترام عشان دي سمة الحياة» وتابع: «قبل انتقالي للزمالك بخمسة أشهر هذا المحلل كان يطالب بانضمامي للفريق الأبيض وقال إني هلعب أساسي على طارق حامد»، مضيفًا: «بعد انضمامي للزمالك في أول مباراة ليا أمام الإسماعيلي حصلت على جائزة رجل المباراة وكل الجمهور كان بينادي عليا». وأكمل: «بعد المباراة المحلل ده طلع يعمل الشويتين بتوعه عشان يطلع تريند، إنت بتعمل كده لمصلحة مين؟ اللي بتعمله ده مش صح».
