كشفت الفنانة أنغام بعضا من تفاصيل حياتها الشخصية، قائلة إنها عاشت طفولة قاسية مع أبيها وأمها. وأضافت أنغام في لقائها مع الإعلامي الإماراتي أنس بوخش ببرنامج ABtalks عبر قناته في موقع يوتيوب: «طفولتي كانت احلى ذكرياتي وهي أصعب أيام حياتي وجزء من القسوة في طفولتي إن تعليمي كان موسيقي من سن 6 سنوات، ومش هنسى إني كنت بدخل أعزف بيانو وصوابعي هتتكسر من البرد». وتابعت:«»أسرتي مكانتش أسرة سعيدة، وشيلت من بدري حاجات مش عايزة أشيلها، لإن أبويا وأمي إتجوزوا صغيرين، وجزء من المعاناة في رأيي إنك تيجي طفل لأطفال«. وكشفت عن سؤال ما أصعب موقف عاشته في طفولتها، قالت أنغام: « هما نفسهم مكنوش عارفين عايزين ايه وعمري ما أنسى أول مرة أبويا مد إيه على أمي، كنت بحب أبويا في طفولتي بشكل هستيري، وفاكرة إني لزقت في الحيط ورفضت أسلم عليه وهو خارج وهو اتخض، وزعلت أوي على أمي ومن وقتها شوفته شخص تاني وشخص اللي بتشعلق في رقبته حسيت إني مش عايزة اعمل كده تاني ومن وقتها معملتش كده تاني وأنا مرتاحة».