أعرب الفنان محمد محمود عبدالعزيز عن سعادته الكبيرة بتكريم الرئيس عبدالفتاح السيسي لاسم والده الفنان الكبير الراحل محمود عبدالعزيز خلال المؤتمر الوطني للشباب في الإسكندرية، وذلك على هامش تكريم نماذج مصرية ملهمة من محافظة الإسكندرية. في فيديو عبر حسابه الرسمي بموقع الصور والفيديوهات الشهير «انستجرام» تحدث محمد محمود عبدالعزيز عن كواليس هذا الأمر قائلًا: «الموضوع بالنسبة لي كبير جدا وأنا في العادة مش بعرف أتكلم لما بتيجى سيرة والدى، واللهم لك الحمد والشكر بس أبوا بجد سبحان الله مشرفنى في حضوره وغيابه وبيخلينا نتباهى واسمه موجود ومنور اللهم لا حسد، أنا يمكن تقريبا مفيش يوم يعدى عليا إلا وحد يبعتلى صورة أو مشهد لأبويا أو فيديو له». وتابع: «لكن المرة دى الموضوع مختلف شوية، لأن المرة دى اسم ابويا بيتكرم من رئيس جمهورية مصر العربية يعنى بيتكرم من مصر، ومصر دى كانت بالنسبة لوالدى ربنا يعلم إزاى وبيتكلم عليها إزاى في أي مكان في العالم». وأوضح: «أنا شايف إن تكريم والدى ليس له لوحده ولكنه تكريم ليا ولأخوية ولأولادنا، وأنا شايف إن تكريم والدى بعد 7 سنين من غيابه من وجهة نظرى إنه تكريم للفن كله ولكل الفنانين المصريين، وبيأكد أهمية الفن وتأثيرهم وتاثير أعمالهم حتى بعد رحيلهم، خاصة أن التكريم تحت مسمى نماذج مصرية ملهمة ومؤثرة». وكشف محمد محمود عبدالعزيز عن موقف لوالده الراحل قائلًا:«حصل موقف أول مرة احكيه وقت الانفلات الأمني عام 2011، كان والدي يتابع نشرة الأخبار وفجأة لاقيناه يبكي بطريقة شديدة ومنفعل جدًا مع ما يراه، وبيقول كلام من نوعية مصر بضيع حرام عليكم اللي بيحصل وبيقول حسبي الله ونعم الوكيل، وبعد كل البكاء ده يروح ماسح دموعه ويقول لا مستحيل مصر تضيع وفيها رجالة وهترجع تاني، وكان عنده إيمان قاطع أن مصر هتفوق وهترجع بسرعة وده حصل الحمد لله». وأردف:«مش عيب أكون وطني وبحب بلدي وعاوز أقول شكراً لمصر وشكراً للرئيس عبدالفتاح السيسي وتشرفت بوجودي مع حضرتك والثواني البسيطة اللي تكلمت فيها مع حضرتك أسعدتني وكنت أتمنى أنها تطول لأن كان جوايا كلام كتير نفسي أقوله، وأنا بحب البلد وخايف عليها جداً والكلام اللي قولته في المؤتمر لمسني جداً وصدقته جداً وأتمنى من كل قلبي إن لقائي بحضرتك يتكرر، وربنا يعين حضرتك ويقدرنا جميعاً أننا نساعد البلد بأي شكل يفيد البلد». واستطرد: «أنا كنت على بعد كام متر من رئيس جمهورية بلدى وده في حد ذاته جديد عليا من غير لا فلاتر ولا مونتاج، وحسيت إن الرئيس زينا جداً وحاسس بينا جداً ومحروق على بلده زينا، وبيتكلم من قلبه زينا، والحاجات اللى متسببة في قلق الناس وخايفين منها هو عارفها ولم ينكر إن لدينا مشكلة، وإنه شغال عليها ودى حاجة تطمن وأسعدتنى أن رئيس الجمهورية حاسس بالمشاكل وحاطيت إيده عليها». View this post on Instagram A post shared by محمد محمود عبدالعزيز (@mohamedmahmoudabdelaziz_)
