قال الدكتورة نيفين مختار، الداعية الإسلامية، إن العبد العاق لوالديه، يرتكب كبيرة من الكبائر، والله سبحانه وتعالى يقطع الصلة به، فيصبح عبدا بعيدا عن الله مقطوع صلته بربه، لافتة إلى أن عقوق الوالدين تعتبر الكبيرة الرابعة من الكبائر السبع في الإسلام. وتابعت الداعية الإسلامية، خلال حلقة برنامج «البيت»، المذاع على فضائية «الناس»، اليوم الخميس: «عارف لو أبوك وأمك محتاجين حاجة، وأنت عارف وقادر تساعدهم ومساعدتهمش تعتبر عاق، عارفة لو أمك بتعمل شغل البيت وإنتى قاعدة وعاملة نفسك مش واخدة بالك ده يعتبر عقوق، لازم تقدم أبوك وأمك على كل حاجة، رفقا بيهم أوعى تضايقهم أو تكون أمك أو أبوك على قدهم في الفهم وتقول استكت أنت مش فاهم حاجة أوعى تحاول تثبت إن أمك أو أبوك غلطان وهم ممكن يكونوا غلطانين، بس أوعى تواجهم وتعمل عليهم قاضى في أمر يخصك أوعى حتى لو غلطوا ده عقوق أوعى تشوح لهم بأيدك أو صوتك يعلى عليهم كل ده عقوق». واستكملت: «شوفى المجتمعات دى واللى بيحصل فيها من عقوق الوالدين، من الشباب والأجيال الراهنة المظلومة التي توفرت لها تقنيات حديثة، كل حاجة متاحة، ده سبب إنك تلاقى شاب أمه ست بسيطة ريفية تكلمه في حاجة يقولها أنتى عارفة أنا بفكر إزاى أنتى مش فاهمة حاجة وده عقوق والله اللى بيعمل كله يتخاف عليه». وانطلقت قناة الناس في شكلها الجديد، باستعراض مجموعة برامجها والخريطة الجديدة، وتبث عبر تردد 12054 رأسيا عدة برامج للمرأة والطفل وبرامج دينية وشبابية وثقافية، وتغطي جميع مجالات الحياة.
