تحدثت الفنانة هند عبدالحليم عن شخصية سلمى التي تجسدها في مسلسل «أزمة منتصف العمر»،مشيره أنها شخصية طيبة وليست شريرة وانها تحزن عليها كثيرا . وقالت الفنانة هند عبدالحليم خلال لقائها مع برنامج«theinsiderar» قائلة :«سلمى مريضة ببني أدم وهي غلبانة أوي وبالنسبة ليها ولا عايزة تأذي حد ولا عايزة حاجه من حد،مفيش حتى عندها ذرة شر في قلبها ناحية حد هي بس عايزة عمر وممكن تعمل أي حاجه عشان توصل لعمر «. View this post on Instagram A post shared by The Insider بالعربي (@theinsiderar) وكانت كشفت الفنانة هند عبدالحليم، عن العديد من تفاصيل إصابتها بالانهيار بسبب مسلسل «أزمة منتصف العمر» . وتحدثت هندعبدالحليم خلال لقائها ببرنامج «MBCTrending» عن مشهد انهيارها أثناء مواجهة الفنان كريم فهمي: «أنا كسرت الحاجة اللى كانت محطوطة كلها والمخرج كريم العدل هو اللي طلب كدة،أنا كنت بكون لابسه لبس سلمى وعايشة حالة سلمى جسديا بشعرها بكل تفاصيلها». أضافت :«قعدت مع نفسي اذاكر المشهد واعمل بروفه مع نفسيى ،وحسيت المشهد وانهارت وحصلي حاجات كتير جدا متعبه نفسيه، وكنت نازله اصور المشهد وانا تعبانه». تابعت:«استاذ كريم العدل قالي حسي الشخصية الموقف ،كسري أي حاجه طلعي كل حاجه انتي عايزاها أثناء مشهد انهيارها ،موضحه كريم فهمي مكنش يعرف أني هاخد الأكشن ده أنا خدته على خوانه، وده بيثبت أنه ممثل عظيم ومتمكن في الثبات الانفعالي، والمشهد تعبني جدا». كما وجهت «هند» رسالة لمنتقدي شخصية سلمى في مسلسل «أزمة منتصف العمر»: «قائلة سلمي شخصية طبية جدًا يا جماعة، ومغلوبة على أمرها والحب هو اللى عامل فيها كل ده، وهى مش هدفها أنها تأذي حد». مسلسل «أزمة منتصف العمر» إخراج كريم العدل، وبطولة كريم فهمى، وعمر السعيد، ورنا رئيس، ورشدي الشامي، وركين سعد، وسلوى محمد على، وتدور الأحداث في إطار اجتماعي، وتجسد ريهام دور ربة منزل متزوجة من رشدي الشامي ولديها ابنة وهي رنا رئيس التي تنشأ بينها وبين كريم فهمي قصة حب.
