كشفت الفنانة شيرين عبدالوهاب كواليس غناءها في حفل مهرجان قرطاج حيث أكدت أنها لم تفهم حتى الآن ما حدث لها في هذه الحفلة. وأضافت في لقاءها مع الإعلامية إسعاد يونس في برنامج صاحبة السعادة على قناة DMC :«صحيا مكنتش قادرة أغني لأن جسمي كان بيعبي مياه، وأول مرة أشوف نفسي عرقانة كده على المسرح، فأنا مبعرقش، ومش عارفة ازاي قبلت الحفلة دي». وتابعت :«كلمني السفير المصري في تونس، وقال لي :»بنعمل حفل ختام مهرجان قرطاج)، ومعرفش إزاي وافقت، وإزاي غنيت لمدة ساعتين، فأنا مقدرش أغني نص ساعة على بعض، فده ربنا سبحانه وتعالى، لأول مرة يكون في أربع كراسي عشان لو مقدرتش أقف أقعد». واردفت: «كنت بعيط أنا ومدير أعمالي بعد البروفة، وأحرجت من سيادة السفير ووافقت مع أني مكنتش قادرة أروح، فأنا لما دخلت على الجمهور على المسرح، غمضت عيني وخوفت، ولكن حب الجمهور أداني طاقة رهيبة جدًا». واستطردت: «بعض من أهالي تونس لاموا عليا، أني مشيت بدري، مع أني مش عارفة ازاي غنيت ساعتين إلا ربع مع أن فقرتي كانت ساعة ونص». شيرين عبدالوهاب ماقدرتش تمسك دموعها: ماكنتش بقدر أغني نص ساعة على بعض ومعرفش إيه اللي حصلي في مهرجان قرطاج!#صاحبة_السعادة pic.twitter.com/e8nHxsafhL — dmctv (@dmctv) October 10، 2022