كشف ضياء السيد نجم الأهلي السابق، سبب زيارة كارلوس كيروش مدرب منتخب مصر السابق لمصر في الأيام المقبلة. وقال ضياء السيد في تصريحات تليفزيونية: «أنا على تواصل دائم مع كارلوس كيروش، القصة كلها إنه كان بيسألني على المستحقات المتأخرة لينا، وقولتله إني اتكلمت مع أعضاء اتحاد الكورة والناس نديهم وقتهم فقالي كدة كدة أنا وفينجادا جايين مصر». أضاف: «قولتله تسمحلي إني أعمل تغريدة أرحب بيك، ولكن ده جه بالتزامن مع الأنباء اللي بتشير لرحيل ريكاردو سواريش». وختم حديثه قائلا: «النادي الأهلي ملوش علاقة بتواجد كيروش في القاهرة، مفيش أي أندية اتكلمت مع كيروش».