فتح المستشار مرتضى منصور، رئيس نادي الزمالك، النار ضد محمود الخطيب، رئيس النادي الأهلي. وقال مرتضى منصور، في تصريحات تليفزيونية عبر فضائية «الشمس»: «محمود الخطيب عمره ما كان أسطورة ولا هيكون أسطورة، الأسطورة الحقيقة النادي الأهلي والجماهير المحترمة اللي بتشجعه من 1948». وأضاف: «أنت مين أطلع قولنا أنت مين إحنا مش عارفين.. ده محمد صلاح، الأسطورة بينزل قريته في الغربية ومبيعملش كده.. ويقولك أنت بتتكلم ليه عن النادي الأهلي؟ أنا عضو عامل في الأهلي.. وأوعى تفتكر إن الزمالكاوية فرحانين لما الأهلي بيبقى واقع، لأن أنا بحب أكسب خصمي وهو قوي، الأهلي عندما غلب بيراميدز في الكأس، اللاعيبة عندي كانوا فرحانين، البطولة من الأهلي بيقى ليها طعم والبطولة لما الأهلي ياخدها من الزمالك ليها طعم». واختتم مرتضى منصور، تصريحاته قائلًا: الخطيب، جاب الأهلي الأرض ولازم الناس تفوق«.