هاجم مجدي عبدالغني، نجم الأهلي السابق. مسؤولو النادي الأهلي برئاسة محمود الخطيب، بسبب صفقة بيرسي تاو، جناح الفريق الأول لكرة القدم بالقلعة الحمراء. وكان الأهلي تعاقد مع بيرسي تاو، في الميركاتو الصيفي الماضي لمدة ثلاثة سنوات قادمًا من فريق برايتون الإنجليزي. وقال مجدي عبدالغني، لمسؤولي الأهلي في تصريحات تليفزيونية عبر فضائية «الشمس»: «أنتوا عملتوا كشف طبي على بيرسي تاو؟ اللاعب لما يجي سواء رخيص أو غالي، لازم يعمل كشف طبي، بيرسي تاو ،لاعب غالي جدًا الرقم اللي مدفوع فيه غير عقده كبير جدًا، أنا مش هقول أرقام لاني مش عارف هي الأرقام صحيحة ولا لا، ولكن اللي عارفينه أنه اتدفع فيه ارقام كبيرة». وأوضح: «اتدفع في بيرسي تاو، مليون و800 الف جنيه استرليني يعني مليوني دولار، وهو ما يعادل 36 مليون جنيه غير عقده، يعني مكلف الأهلي ما يقرب 50 مليون جنيه، هي الفلوس دي بتطبع جوه النادي الأهلي! حرام ادفع 50 مليون جنيه في لاعيب متعور أوماا لاعبب سليم هدفع فيه كام؟». وواصل: «لو الأهلي دفع ال50 مليون جنيه من خلال عمليه بيع أحد نجومه، أو الأهلي كسب خلال الموسم وعمل فائض في الميزانية، أنا لحد دلوقتي معرفش ميزانية الاهلي كام.. النادي الأهلي صرف مليار، طيب المليار دول في منهم كام في الخزنة» وأردف: «كل ده أن بسألك لأني محب للنادي الأهلي مش زي اللي قلبهم أسود، أنا بسأل أسئلة منطقية مفروض ألاقي إجابة، إنما لما ملاقيش إجابة كل واحد يفتكر اللي عاوز يفتكره وكل واحد يقول اللي على مزاجه». وأشار: «من أول الموسم بنسأل بيرسي تاو، اتعلمه اختبار بدني، محمد صلاح بيلعب في ليفربول من 4 سنوات، وعندما جدد عقده تم عمل له اختيار لعلى وعسى في حاجة جديدة حصلت». واختتم: «أي لاعب لازم يتعمله كشف كل سنة واختبار بدني ونفسي عشان يعرفوا انه مازال لائق،، وإنما يبقى الأمور سايبة السايب في السايب».