إن كنت مستنى دورك.. إحنا كمان راح نموت.. بس اعمل الخير يا صاحبى.. وابن من بيوت.. واوعى ع الشر تحود.. والظلم يبقى طريقك.. عشان ما تبقاش نهايتك.. على جهنم تفوت.. ماشى فى سكة غلط.. كل دروبها سراب.. ما بين صياعة وشغب.. وسلاح سيوف وخراب.. عارفين نهاية اللبط.. إيه يا اخواننا ضياع تشرد وموت.. أو عيشة آخر هباب.. مستنى مين يا لى انت موش لاقى طريق.. من غير دليل البحر عالى وغريق.. والصحرا لا ليها أول ولا آخر.. ولما توصل ح تلقى البغل فى الإبريق.. الكدب أصبح سمة .. والكدابين بالكوم.. والصدق فين النهاردة.. يا ناس يا فل الفل.. ولا ح نفضل كده.. نايمين فى سابع نوم.. الدنيا ماشية وكل شىء بحساب.. مهندس زراعى