رد المايسترو أحمد رمضان سكرتير عام نقابة المهن الموسيقية، الجمعة، على هجوم مطرب المهرجانات الشعبية حمو بيكا، قائلا إنه لم يجتاز اختبارات اللجنتين الذي شارك من خلالهما، قائلا: «إزاي النقابة هتعند مع حمو بيكا وهو دخل مرتين اللجنة ويسقط». وقال «رمضان» في تصريحات ل«المصري اليوم»: «النقابة بتعمل لجنة للمطربين وحمو بيكا لم يجتاز ولا لجنة من الاثنين الذي شارك بهم، يعني انت شخص داخل امتحان غناء من المفروض تكون داخل مجهز هتغني ايه، يعنى هتغني ام كلثوم أو غيرها، لازم تكون جاهز، ويدل على ذلك الكلام، الفيديوهات اللي عمال ينزلها على صفحته الخاصة وهو بيتمرن مع عدد من صناع الأغنية» وأضاف: «إزاي النقابة هتعند مع حمو بيكا وهو دخل مرتين اللجنة ويسقط وبيروح بعد المرتين لاستاذ غناء، وكمان عمال يتمرن، النقابة مبتظلمش حد اللي مفروض ينجح هينجح من غير ظلم». واختتم: «ايضا هيتم تفريغ الحلقة التي أذيعت اليوم ونشوف الكلام اللي قاله حمو بيكا حصل صح ولا لا» كان مطرب المهرجانات حمو بيكا،تحدث من جديد، عن قرار إيقافه من قبل نقابة المهن الموسيقية برئاسة الفنان الكبير هاني شاكر، مشيرًا إلى أنه ليس مطربًا لكنه مؤدٍّ. قال «بيكا» خلال لقائه ببرنامج «كلام الناس» الذي يذاع على شاشة MBC مصر: «أنا مش صوت، أنا داخل بجمهور أنا راجل مؤدي، مش لازم يكون صوتي كروان عشان يدوني الكارنيه، أنا أي دولة عربية بتسمعني، مينفعش، ليا الجمهور دا كلو وحضرتك متصنفنيش». وأضاف: «أنا ليا جمهوري، أنا أهم حاجة تصنفني، راب أي حاجة بس المهم تصنفني، في الدستور حرية الرأي، ملكش تمنعني أنا مش بعمل حاجة غلط، كل حاجة النقابة بتطلبها بعملها، أعمل إيه تاني، إنت بتقولي أخرج بره مصر، لا أنا مصري، ولازم الامتحانات تمشي بما يرضي الله».
