قام الملحن والموزع الموسيقي أحمد طارق يحيي بدعم عازف الكولة عبدالله حلمي بعد تعرضه لظروف صحية كبيرة خلال الفترة الماضية، مطالبًا بكل من عمل معه أن يرد له الجميل والسؤال عنه لرفع روحه المعنوية. وأضاف «طارق يحيي» عبر «فيس بوك»: «اتربينا على أغاني محمد منير وكتير مننا راح حفلاته وناس كتير تعرف اللي في الصورة ده مين.. عبدالله حلمي. من أطيب واشطر عازفين الكولة في الوطن العربي.. تاريخه كبييير جدا ولعب مع مطربيين كتييير جدا وفي أغاني كلنا بنحبها وعمرنا ما شفناه. وبجد دايما صوت آلته كانت دايما معايا في الهدوء والشجن وفي الفرح والخروج من أي مود كئيب». تابع: «عم عبدالله ربنا وضعه في اختبار لظروف صحية فقد نعمة الكلام وبالتالي العزف على آلته. قد ايه صعب أن الواحد مايعرفش يتكلم بس الاصعب أن عمره كله اللي افناه ف اتقان آلنه اللي هي اكل عيشه، يروح ف لحظة منه، انا متأكد أن دي بداية لحاجات كتير عم عبدالله يقدر يعملها مش نهاية لطموحه وعزيمته». واختتم: «اللي طالبه منكم انكم تردوا الجميل للراجل ده وتسأله عليه وتزوروه كل اما تفتكروا وساعدوه بشكل معنوي وغير معنوي، ممكن كلمة أو فكرة من حد ترفع روحه المعنوية».