كريم ولد صغير جميل شاطر وذكى لكن لديه عيب خطير فهو يغضب لأقل شىء بيغضب غضب كبير مرة كان بيلعب بعربية بيرموت خلصت البطارية غضب وزعل رماها واتكسرت زعلت مامته منه جدا وقالت ليه التصرف دا مش لطيف ومرة زعل منه صاحبه وهما بيلعبه كورة بدأ الغضب عليه يبان والعقل مفكرش والإيد بقت سبقاه ضرب صاحبه وعوره كمان ولما جات الميس قال أصله ضايقنى جامد ردت وقالت مش كد ما حد يضايقك إيدك ديما تكون سبقاك قالها أنا مكنش قصدى أعوره بس لما بكون غضبان مش بعرف أنا بتصرف إزاى ردت عليه الميس بس الغضب دا ممكن يخليك تأذى نفسك ولازم تعرف تتحكم فيه، ضحك كريم وقال فى سره يا سلام وهو مروح البيت اتكعبل فى حجر فى الطريق بدأ يتنرفز وراح شاطه برجله جامد بس الحجر كان تقيل ومتحركش من مكانه ورجله ورمت وبقت وجعاه وروح لحد البيت بالعافية شافته مامته قالت ليه إيه الموضوع حكى ليها عن كلام الميس وعن الحجر اللى خبطه قالت مامته ليه طبعا غضبك خلاك تأذى نفسك تمام زى حكاية الثعبان قالها إيه حكاية الثعبان يا ماما قالت كان فى ثعبان على طول غضبان ومن أقل حاجة غضبه يزيد حب يستخبه مرة فى ورشة النجار وكان على الأرض المنشار ديله جه عليه اتعور الثعبان واتوجع، غضب جدا على المنشار وقال أنا لازم أكله لسه جاى يقرب بقى منه اتعور تانى والدم نزل كتير غضب الثعبان جدا جدا مبقاش عارف يفكر وقال أنا لازم كسره ومن شدة غضبه بدأ فعلا يلف نفسه على المنشار عشان يكسره بدأ المنشار يقطع فى الثعبان لحد ما مات. رد كريم دا ثعبان مش ذكى خالص هو اللى موت نفسه لو كان مشى بعيد عن المنشار مكنش هيموت ردت مامته وقالت عشان كدا لما نغضب جامد لازم ندى لنفسنا فرصة نهدا فيها ونبعد عن الحاجة اللى مزعلانا وساعتها هنعرف نفكر أكيد قال كريم صح أنا عملت زى الثعبان وكانت ممكن رجلى تتكسر كمان.. من النهارده مش هغضب تانى خلاص.
