بالنسبه لموضوع سيادة الطبيب التالت(دا يا محترم مشكله كبيره فى جامعة اسكندريه وغيرها تلاقى طبيب ترتيبه بعد الألف ويتعين فى الكليه وبعدين يبقى فى يوم من الأيام أستاذ دكتور وكل شروطها تبقى معاك كوسه كبيره قوى) شوية العباقره النوابغ الى محيرين الناس كلها الناس الحاقده على المتفوقين المكافحين ناس كافحت وطلعت نفسها ولاد اساتذه وبيجنو ثمرة كفاحهم وتعبهم وبعدين تعالو هنا هو مش الاعلان اتحط 5دقايق كاملين يعنى تلحق تعرف بيتكلم عن ايه بس مش تلحق تفهم وكمان عشان محدش يتكلم زى مابيحصل دلوقتى الاعلان كان فمكان واضح جدا فى درج احد السكرتيرات وعشان التراب كان تحت كل الملفات شوفتو الاخلاص يعنى مفيش تراب ولا ناموسه ولا نمله ولاحشره ملهاش أستاذ تورثه فى الكليه توصل للملفات يعنى الغلط منكم انتم لييييه؟ ماختدوش بالاسباب هتسالونى ازاى؟؟ أنا عارفكم كسالا حتى مش عاوزين تفكرو انا هقولكم ازاى : 1-لو كل واحد ليه نيابه فى أخر النيابات حضرله جن محترم بيفهم فى النيابات يشوف الاعلان ويتصل بيه بسرعه عشان يقدم طبيب تالت مش كنتم عرفتم الاعلان وتلحق تجهز اوراقك براحتك وتقدم وبعدين الاعلان بيطلع ولسه باقى اكتر من 25دقيقه عالتقديم ما يخلص تقصييييييييييييييييييير 2-لما انت عاوز نيابه يا اما كنت تشد حيلك شويه وتبقى فى السليم او تشد حيل والدك وتطلع ابن استاذ اهماااااااااااااااااااااال 3- لماسيادتك جاى تتكلم انهارده عن حقوقك ناسى ليه ان سيادتهم قبلوك فى الكليه وانت مش ابن استاذ يارخم ناااااكر الجميل 4-ولما ملكش حد فالكليه ليه بتحشر نفسك فيها يا رخم غتاااااااااااااااااااااته دلوقتى اقتنعتو انكم مذنبين وظالمين تعالو بقا للكلام المفيد انا طول عمرى مقتنع ان الى ليه حق ويسيبه غصب عنه يبقى (سسسسسسس) انا مليش نيابه بس مستعد انزل عشان الظلم ده ومفيش مستحيل اذا كنا حرمنا جمال مبارك من التوريث ومشينا مبارك مش هنعرف نعمل كده مع شوية محترمييييييييييين على كده مبارك كان محترم ومظلوم ماكل واحد فى منصب يعرف ينصب ويورثه لابنه ودى حاجه مش من حقه مش بيتردد زمان لما كنا بنلعب فى الشارع كان فيه ولاد غلسه ومحدش كان بيحب يلعب معاهم لكن هما كانو بيعملو حركه حلوه ويلعبو غصب عن اى حد بينزلو الملعب ويجرو ورا الكوره يبوظو اللعب ميسيبوش حد يلعب . ودى حاجه كان اسمها (فيها يا اما ها.......) المهم لازم كل واحد ياخد حقه او كلنا ننزل نخرب الكليه كلها والموضوع يكبر ويتصعد والعالم كله ىعرف ان البلد كلها تييييييييتتتتتتت او نعنرف اننا ظلمنا مبارك لان اى مصرى لو كان مكانه كان هيعمل زيه بالظبط ونقدم اعتذار له ولكل الوزراء ويرجعو مكانهم وربنا يسامح كل من شارك فى الثورة على هذا الذنب الكبيييييييييييييير د.علاء محمد عبدالسميع طبيب بشرى