من أيام النظام البائد الله لايرجعها أيام وانا كنت أشطاط غيظا حينما كنت أسمع جملة "" جماعة الإخوان المحظوره "" وأقول لنفسى مين سمح لهم بإطلاق هذا اللقب ومحظوره فى إيه وعلى مين والحقيقه كنت بحزن جدا وكنت أشعر بظلم النظام لهم مرت الأيام وراح النظام وراحت أيامه واتغيرت الأحوال والحمد لله لاعاد فى جماعه محظوره ولاغيره ولكن ما أستغرب له الآن أن جماعة الإخوان وقعت فى نفس الخطأ وتستخدم نفس الأسلوب وراحت تضع على البعض علامة الحظر والحذر فصارت تكفر هذا وتبعد ذاك وأصبح كل من يخالف فكرهم هو ضدهم وضد الدين فقال المتحدث بإسم جماعتهم كلاما عن الليبراليين والعلمانيين يشبه التكفير ثم عاد واعتذر طيب ليه قولته من الأول ان لم يكن لديك قناعه داخليه به ولا انت إعتذرت عشان الهجوم الإعلامى ؟إعتذار صورى ياعنى قبل الثوره أعلن الإخوان عن عدم مشاركتهم فى الثوره ثم عادو وشاركو والحمد لله نجحت الثوره بعد شويه اعلن الإخوان أنهم لن يشاركو على المقاعد البرلمانيه سوى بنسبة 30 فى الميه من المقاعد لكنهم بعد ذلك رجعو فى كلامهم وقررو المشاركه ب 50 فى الميه جت التعديلات الدستوريه وطبعا رفضو تماما تغيير الدستور بس الشيئ اللى كان يغيظ وقتها هى انهم إشتغلو على عامل الدين وشفنا منشورات فزاعة الدين منشوره فى كل مكان وبرضه أعتذرو واعلنو انها مش منشوراتهم تقريبا والله أعلم واخدين على الإعلان ثم النفى كل ده وعادى وكنت اقول بلاش نظلمهم جايز كل دا غير مقصود لكن بعد تصريحاتهم التى أدلو بها بعد الدعوه لثورة غضب ثانيه قولت لأ دا جد ومش هزار والناس دى فاهمه ودارسه مش حافظه فاهمين تماما هم بيعملو ايه ؟ ياعنى لما يطلعو منشور مكتوب فيه ان الداعون الى النزول إلى التحرير هم العلمانيون والليبراليون والنصارى وانهم مش نازلين يبقى دول ناس بتشتغل لحساب نفسهاولحساب المجلس العسكرى و مش لحساب الوطن لانهم اعلنو بعدها ان اللى رايحين التحرير رايحين عشان عاوزين يغيرو الدستور وده التفاف حوالين ارادة الشعب اللى قال نعم للتعديلات لما قرأت ده قولت بس الحكايه جت من هنا طبعا خايفين من عمل دستور جديد دلوقت عشان عارفين وواثقين انهم الأكثر تنظيما واللى هيستحوزو على أغلبية المقاعد فى البرلمان وبكده هيعملولنا دستور على كيفهم ياعنى الحكايه مش مسألة مصلحة مصر أو المصريين أو الإستقرار وغيره طيب لما المتحدث بإسمهم صبحى صالح يطلع يقول ان الإخوانى لابد أن يتزوج إخوانيه عشان يجيبو أخوان صغننين وبعد كده يعملو أسره وبعدها عيله وبعدها مجتمع إخوانى وبعدين ياعنى البنت المهذبه المحترمه بنت الناس اللى عارفه دينها كويس ومحافظه عليه بس مش من الإخوان يوصفها بأنها أدنى لمجرد أنها خارج جماعة الإخوان ؟ هل هذا الفكر هو الذى يستحق أن يقوم بعمل دستور؟ وبعدين حتى لو اللى فى التحرير هينادو بدستور جديد هم هينادو بحاجه حرام لاسمح الله ؟ طيب ماالمجلس العسكرى نيمنا وحط المواد اللى على كيفه وبقى اللى قال لا زى اللى قال نعم ماسمعناش حد منهم إتكلم واعترض ليه وقتها ؟ لما مرشد الجماعه يطلع يقول هنعمل ثورة غضيب تانيه ضد مين ؟ ده نسميه إيه ؟ هو ماشاء الله الأحوال فى مصر بقت عال العال والمجلس العسكرى بقى تمام التمام وحقق مطالب الثوره واحناعاوزين نروح عشان نتفسح بجد فعلا احنا ناس ظلمه ومفتريه ومش عارفه ليه إفتكرت الحزب الوطنى لما كان عز يخرج علينا بضحكته إياها ويقولنا مش عارف الشعب عاوز إيه ؟ عارفين طريقة الإخوان دلوقت بتفكرنى بالطريقه المباركيه اللى كان فيها مش عاجبهم رأيه يتوكلو على الله ويبدأو فى تشويه صورته وربطه بأى شيئ زى عماله .. إرهاب .. كفر الفارق بينهم وبين الإخوان هو إختلاف المسميات رجاءا لكم جماعة الإخوان عندما تريدون ألا تفعلو شئ فلا تفعلوه وهذه حريتكم ولا إعترض على ذلك ولكن لاتفرضوه على احد بدعوى فزاعة الدين وإتقو الله فى تصريحاتكم فأنتم وصفتم من سيكون فى التحرير الجمعه القادم بالعلمانيين والليبراليين والنصرانيين وما إلى ذلك من تشبيهات ونسيتم أن شباب الإخوان أيضا سيشاركون فى هذا اليوم فهل سينطبق عليهم ماوصفتم ؟ !!